Kalpah 2.6.9.1

2.6.9.1

gopīnāthabhaṭṭakṛtajyotsnāvyākhyāsametam .
9.1 atha navamaḥ praśnaḥ . tatra prathamaḥ paṭalaḥ.
abhiṣavādi mādhyaṃdinam̐ savanaṃ tāyate .
tasya prātaḥsavanena kalpo vyākhyātaḥ.
dvidevatyartugrahaindrāgnavaiśvadevā darvihomāśca na vidyante .
vasatīvarībhyo niṣicya nigrābhyāḥ karoti .
sarvam̐ rājānamabhiṣuṇvanti .
grāvastute somoṣṇīṣaṃ prayacchati .
ihāiheti sam̐rādhayanto'bhiṣuṇvanti .
uttamasya paryāyasya madhyame'bhiṣave bṛhadbṛhadityabhiṣuṇvanti .
uttame'bhiṣave susaṃbhṛte rājani .
devā grāvāṇa indurindra ityavādiṣurendramacucyavuḥ paramasyāḥ parāvata ā'smātsadhasthādororantarikṣādāsubhūtamasuṣavurbrahmavarcasaṃ ma āsuṣavuḥ samare rakṣām̐syavadhiṣurapahataṃ brahmajyasyeti pratiprasthātā grāvṇo'numodate .
atra sabanīyānāṃ nirvapaṇameke samāmananti .
dhārāgrahakāle śukrāmanthināvevāgre gṛhītvā''grayaṇaṃ tisṛbhyo dhārābhyo gṛhṇātyādhava
nīyāttṛtīyāṃ dhārāṃ karotyukthyaṃ gṛhītvā .
ṛtupātrābhyāṃ marutvatīyau gṛhṇīto marutvantaṃ vṛṣabhaṃ vāvṛdhānamiti svena pātreṇādhvaryuḥ pūrvaṃ gṛhṇāti marutvām̐m̐ indra vṛṣabho raṇāyeti svena pātreṇa pratiprasthātottaram .
gṛhītvā rājānamatipādayati yāvantaṃ mādhyaṃdināya savanāyā''ptaṃ manyate .
viramati dhārā prapīḍya pavitraṃ nidadhāti .
vyākhyātamekadhanānāmādhavanīye'vananam . .
pavamānagrahānkalaśāñchukrāmanthināvāgrayaṇamukthyaṃ ca grahāvakāśairupasthāya niḥsarpantaḥ samanvārabhante .
vaipruṣānsaptahotāraṃ ca hutvā mādhyaṃdinaṃ pavamānam̐ sarpanti
tasya bahiṣpavamānena kalpo vyākhyātaḥ .. 1 ..