Kalpah 2.6.9.11

2.6.9.11

śastraṃ pratigīrya hotṛcamasamadhvaryurādatte camasām̐ścamasādhvaryava ukthaśā yaja somānāmiti saṃpreṣyati .
vyākhyātaścamasānāṃ bhakṣaḥ.
sarvabhakṣā nā''pyāyanasādane bhavataḥ .
agnīdaupayajānaṅgārānāharetyetatprabhṛti pāśukaṃ karma pratipadyate .
nānūyājānte svaruṃ juhoti na hṛdayaśūlena caranti yadyanūbandhyā bhavati .
prahṛteṣu paridhiṣu sam̐srāveṇābhihutya hāriyojanena caranti .
upayāmagṛhīto'si harirasi hāriyojana ityunnetā
droṇakalaśena hāriyojanam̐ sarvamāgrayaṇaṃ gṛhṇāti .
taṃ bahvībhirdhānābhiḥ śrītvā na sādayati .
śīrṣannadhi nidhāyopaniṣkramyendrāya harivate'nubrūhīndrāya harivate preṣyeti saṃpreṣyati dhānāsomebhyo'nubrūhi dhānāsomānprasthitānpreṣyeti vā.
harīḥ stha haryordhānā iti vikramya vaṣaṭkṛte
juhotyanuvaṣaṭkṛte hutvā harati bhakṣam .
ta5 sarve samaśaḥ prativibhajyonnetaryupahavamiṣṭveṣṭayajuṣaste devasometi ciściṣākāraṃ dhānā bhakṣayanti .
saṃdaśyāsaṃbhindanto dhānānāṃ nimnāni kurvanto niravadhayantaḥ .
āpūryāḥ sthā'' mā pūrayatetyuttaravedyāṃ dhānā
niṣṭhīvyopavapanti rayyai tvā poṣāya tveti vā .
dadhikrāṇo akāriṣamityāgnīdhrāgāre dadhidrapsānbhakṣayantiḥ .
ekadhanapariśeṣānyathācamasaṃ vyāsicya hariṇīrdūrvāḥ saṃplomnāyya tīvrīkṛtya rasaṃ janayitvā'psu dhautasya somadevata iti rasamavaghreṇa bhakṣayitvā cātvālevanayanti .
yanma ātmano mindā'bhūditi mindayā''havanīyamupatiṣṭhante .. 11 ..