Kalpah 2.6.9.10

2.6.9.10

iti hiraṇyakaśisūtre navamapraśne tṛtīyaḥ paṭalaḥ.
9.4 atha navamapraśne caturthaḥ paṭalaḥ .
saumyasya pātrasam̐sādanaprabhṛtīni karmāṇi pratipadyate .
saumyaṃ caruṃ nirvapati .
tamāsādya.
ājyasyāvadāya ghṛtasya yajeti saṃpreṣyati vaṣaṭkṛte hutvā .
atraiva tiṣṭhansaumyasya hastena pūrvamavadānamavadyati mekṣaṇenottaramudaṅṅatikramyā''śrāvya pratyāśrāvite saumyasya yajeti saṃpreṣyati vaṣaṭkṛte dakṣiṇāmukhastiṣṭhandakṣiṇārdhapūrvārdhe juhoti .
ghṛtasya yajèti yathā purastāt .
anyatarataḥ parījyāmeke samāmananti .
tamājyenābhipūryodgātṛbhyo haranti .
sanno'ta etadyaduta ihetyavekṣante.
tasminhyātmānaṃ paripaśyanti .
ya ātmānaṃ na paripaśyeditāsuḥ syādabhidardi kṛtvā yanme manaḥ parāgatamityavekṣeta.
āmayāvyannādyakāmo vā prāśnīyāt .
yo vā'lamannādyāya sannānnamadyāttena prāśyaḥ .
śalākābhirdhiṣṇiyānāgnīdhro jvalato viharati .
navagṛhītamājyamadhvaryurgṛhītvā jvalato vyāghārayati .
śeṣamājyasya karoti dhārayanti dhiṣṇiyān .
upayāmagṛhīto'si bṛhaspatisutasya ta ityupām̐śupātreṇa pātnīvatamāgrayaṇādgṛhṇāti .
taṃ dhiṣṇiyavyāghāraṇasaṃpātenā''jyena śrītvā na sādayati.
upaniṣkramyāgnītpātnīvatasya yajeti saṃpreṣyati.
agnā3 i patnīvā3 iti vaṣaṭkṛte juhoti .
kṛtākṛto'nuvaṣaṭkāraḥ .
upām̐śvanuvaṣaṭkarotītyekeṣām .
agnīnneṣṭurupasthamāsīda neṣṭaḥ patnīmudānayodgātrā patnīm̐ saṃkhyāpayonnetarhotṛcamasamukhyām̐ścamasānunnayanhotṛcamase dhruvāyāvakāśaṃ kuru sarvam̐ rājānamunnaya mā'tiririco daśābhiḥ kalaśau mṛṣṭvā nyubjeti saṃpreṣyati ..m̐m̐..
antarā neṣṭāraṃ dhiṣṇiyaṃ cā''gnīdhro vyavasṛpya bhakṣayatyupasthe vā neṣṭurāsīno nopastha āsīta yadyupastha āsīta klībaḥ syāt .
hotṛcamasamukhyām̐ścamasānunnayati .
stutaśastre bhavataḥ.
prajvalayitvā ghiṣṇiyānagniṣṭomastotramupākaroti .
avisrasya nīvīrāviriva nābhī: kurvāṇāḥ sarve sakarṇaprāvṛtā bhavanti.
ye sadasyāḥ sadasaḥ.
ṛtvijo yajamānaścetyekeṣām .
viśvasya te viśvāvato vṛṣṇiyāvata ityudgātrā patnīm̐ saṃkhyāpayati .
agandevānyajña iti patnī dakṣiṇamūrūṃ nagnaṃkṛtya vaṅkṣaṇānāviṣkṛtya .
svāhākṛtā: samudreṣṭhā ityabhyantaramūrorudīcī patnī pannejanīrūruṇopapravartayati ..
saṃkhyāpanamupapravartanaṃ ca: '' tṛtīyasyāḥ stotrīyāyāḥ kriyate .
svāduṣkilāyaṃ madhumām̐ utāyamityetasyām̐ śasyamānāyāmubhayatīmodaṃ pratigṛṇāti madāmoda iva modāmoda ivetyāhāvādūrdhvaṃ vyāhāvātsiddhaḥ pratigaraḥ .
tamasi bhūte mā dhā iti pratiprasthātā dhruvamabhimantrayate .
dyāvāpṛthivībhyāṃ tvā parigṛhṇāmīti parigṛhṇāti .
viśve tvā devā vaiśvānarāḥ pracyāvayantviti dhruvam̐ sthānātpracyāvayati .
divi devāndṛm̐hāntarikṣe vayām̐sīti harati .
dhruvaṃ dhruveṇa haviṣā'va somaṃ nayāmasīti hotacamase dhruvamavanayati paridhānīyāyām̐ śasyamānāyā sakṛcchastāyāmādito vā śastrasya .. 10.. madhyadeśe'ntato vā.