Kalpah 2.6.9.15
Kalpaḥ 2.6.9.15
- Language
- Sanskrit
2.6.9.15
unnetarvasīyo na unnayābhyudu tye madhumattamā giraḥ stomāsa īrate satrājito dhanasā akṣitotayo vājayanto rathā iva kaṇvā iva bhṛgavaḥ sūryā iva viśvamiddhītamānaśurityunnetāram̐ saṃpreṣyati .
udeta prajāmuta varco dadhānā yuṣmānrāya uta yajñā asṛkṣata . gāyatraṃ chando'nusam̐rabhadhvamathā syāma surabhayo gṛheṣvityunnetā hotṛprathamānyajamānaprathamānvonnayati .
pratiyuto varuṇasya pāśa ityudakāntaṃ pratiyauti .
pratyasto varuṇasya pāśa ityudakāntaṃ pratyasya .
audumbarīḥ samidho dhārayantaḥ.
apāma somamamṛtā abhūmeti mahīyāṃ japantaḥ.
unnetāraṃ puraskṛtvā'pratīkṣamāyanti .
parogoṣṭhe mārjayante .
edho'syedhiṣīmahītyāhavanīye samidho'bhyādadhati .
apo anvacāriṣamityupatiṣṭhante .
evaṃ patnī gārhapatye'bhyādhāyopatiṣṭhate .. 15 ..