Kalpah 2.6.9.16

2.6.9.16

9.6 atha navamapraśne ṣaṣṭhaḥ paṭalaḥ .
prāgvam̐śa udayanīyāyāstantraṃ prakramayati .
tasyāḥ prāyaṇīyayā kalpo vyākhyātaḥ .
anūyājasamidhamupasaṃnahyati .
yasyām̐ sthālyāṃ prāyaṇīyam̐ śrapayati tasyām̐
saniṣkāsāyāṃ tena mekṣaṇena śrapayati .
patnīm̐ saṃnahyati .
na juhvāmājyaṃ gṛhṇāti yadi prayājā na bhavanti .
kṛtākṛtāḥ prayājāḥ .
pathyām̐ svastimuttamāmājyena devatāṃ yajati .
na sthālīṃ niṣkāsaṃ mekṣaṇaṃ ca nidadhāti .
na dhuvāyāḥ śeṣaṃ karoti .
kṛtsnā saṃtiṣṭhate.
anubandhyāyāstantraṃ prakramayati .
tasyā nirūḍhapaśubandhena kalpo vyākhyātaḥ .
maitrāvaruṇīṃ vaśāmupākaroti .
tisro vā dvirūpāṃ maitrāvaruṇīṃ bahurūpāṃ vaiśvadevīm̐ śitipṛṣṭhāṃ bārhaspatyāmiti .
upām̐śu madhyato vaiśvadevyā pracaratyāśrutapratyāśrute apyupām̐śu bhavata uccairitarābhyām .
anubandhyāyāḥ paśupuroḍāśaṃ nirū(ru)pya daivikāni havīm̐ṣyanunirvapati .
dhātre puroḍāśaṃ dvādaśakapālaṃ nirvapatīti yathā samāmnātam .
somasthālīṣvete caravaḥ payasi śrapyante .
anūbandhyāyāḥ paśupuroḍāśasya devikāhaviṣāṃ ca samānam̐ sviṣṭakṛdiḍam .
maitrāvaruṇīṃ puronuvākyāmanvāha .
saṃpraiṣaśca bhavati .
anūyājānte svaruṃ juhoti hṛdayaśūlena carati yathā purastāt .
maitrāvaruṇīmāmikṣāmeke'nūbandhyāyāḥ sthāne samāmananti havirāhutiprabhṛti .. 16 .. iḍāntā saṃtiṣṭhate .