Kalpah 2.6.9.22

2.6.9.22

iti hiraṇyakeśisūtre navamapraśne saptamaḥ paṭalaḥ.
9.8 atha navamapraśne'ṣṭamaḥ paṭalaḥ.
kratupaśava aikādaśināśca vikalpante .
teṣām̐ samavāye vibhavanti tantramaṅgānyavibhavanti pratyakṣārthāni pratisaṃskāramabhyāvartante .
yathārthamūhaḥ .
yūpāhutim̐ hutvā'gniṣṭhaprathamānekādaśa
yūpānupaśayapātnīvatau ca cchinnatti .
ekayūpena vikalpate .
daśarathākṣāmekādaśoparām̐ rajjuṃ mītvā tasyāścaturvim̐śena bhāgena vediṃ vimimīte prakramasthānīyā bhavati .
agniṣṭhaṃ dvābhyām̐ raśanābhyāṃ parivīyaikādaśinīraśanā agniṣṭhe parivīya vāsayati . • śvobhūta āśvinaṃ gṛhītvā yūpānsaṃminoti .
pūrvedyuḥ saṃmānameke samāmananti .
tantramabhrerādānaṃ parilekhano'bhyāvartate .
dakṣiṇamagniṣṭhātparilikhyottaraṃ parilikhatyevaṃ vyatyāsamudagapavargān .. .
rathākṣamātrāṇi yūpāntarālāni bhavanti .
vedisaṃmitāṃ vā minoti .
samānajātīyenaikaikamanusameti kṛtsnamekaikamāñjanaprabhṛti dviraśanamapavarjayati .
pratiyūpam̐ svaravaḥ .
uparasaṃmitāṃ minuyātpitṛlokakāmasya .
raśanasaṃmitāṃ madhye ca saṃmitāṃ manuṣyalokakāmasya .
caṣālasaṃmitāmindriyakāmasya .
sarvānsamānpratiṣṭhākāmasya .
ye trayo madhyamāstānsamānpaśukāmasya vyatiṣajeditarānprajayaivainaṃ paśubhirvyatiṣajati .
yaṃ kāmayeta pramāyukaḥ syāditi gartamitaṃ tasya minuyāduttarārdhyaṃ varṣiṣṭhamathetarānhrasīyasaḥ . dakṣiṇārdhyaṃ varṣiṣṭhaṃ minuyātsvargakāmasyāthetarānhrasīyaso hrasīyasaḥ .
ārāgrāmabhicaratasteṣāmagniṣṭhaṃ varṣiṣṭhamathetarānhrasīyaso hṛsīyasaḥ .
samavasrāviṇīṃ vṛṣṭikāmasya teṣāmagniṣṭham̐
hrasiṣṭhamathetarānvarṣīyaso varṣīyasaḥ .
vyatyastaṃ bhrātṛvyavato hrasvaṃ dīrghaṃ ca vyatiṣajet .
yadi kāmayeta viṭkṣatrādojīyasī syāditi yesgniṣṭhāddakṣiṇe tānvarṣīyaso varṣīyaso minuyāt .
yadi kāmayeta kṣattraṃ viśa ojīyaḥ syāditi ye'gniṣṭhāduttare tānvarṣīyaso varṣīyaso minuyāt .. 22 ..