Kalpah 2.7.12.2

2.7.12.2

12.2 dvitīyaḥ khaṇḍaḥ
manthiṣyatsvaraṇī ālabhyāraṇyoriti gāyet 1 madhyamāne'gniṃ nara ityetayoranyatarat 2 dhūma udite tveṣaste dhūma ṛṇvatīti 3 prajvalite'darśi gātviti 4 nidhīyamāne gavāṃ vrataṃ yadagnimīḍe iti 5 tānyudgātṛkarmaike 6 udgātā sāmavedeneti śruteḥ 7 yathā vihavyasajanīyakayāśubhīyāni hotuḥ 8 prastotuśca vairājaśakvarī prastāvāḥ 6 sarvaiścāvidhānādbrahmatvakāribhiḥ 10 karmayogāccodgātuścatvāro mahartvijaḥ prāśnantīti hi cātuṣprāśyaprāśanam 11 adhikārāttu brahmaṇaḥ 12 audgātre cāvidhānāt 13 dṛṣṭaṃ cānena sāmagānaṃ brahmā rathacakre'bhigāyatīti 14 udgāteti yathābhūyasavādaḥ 15 hautre ca vidhervihavyādīni 16 stotravatprastāvā virāṭsu stuvanti purīṣeṇa stuvate iti ca bahuśruteḥ 17 avidhānaṃ vidherdvaidhāt 18 yāvadvacanaṃ karmayogaḥ 19 hutāyāṃ pūrṇāhutau yathārthaṃ syāt 20 akṣāṃścedabhijuhayustatra gatvā tūṣṇīmupaviśet 21 tairdyūte yathārthaṃ syāt 22 iṣṭyādiṣu sarveṣu yajuṣopaviśet pūrvo yajamānādāhavanīyaṃ prati 23 paridhyorvā sandhim 24 srucāṃ vāgrāṇi 25 utkaraṃ vā 26 tamantareṇāhavanīyaṃ ca yajamānasya saṃcaro nānyeṣām 27 taṃ yadādhvaryurbrūyād brahmannidaṃ kariṣyāmīti savitṛprasūto'daḥ kuru . bhūrbhuvaḥ svarbṛhaspatirbrahmāhaṃ mānuṣa omityetenānumantrayeta 28 etatsarvānumantraṇam 29 uccairadaḥ kurvomiti 30 praṇītāsu praṇīyamānāsu vācaṃ yacchedā tāsāṃ vimocanāt 31 tāsveva praṇīyamānāsvā haviṣkṛtastambayajuṣaścādhyā samidhaḥ prasthānīyāyā iti vā 32 yatra vādhvaryubahvṛcau ceṣṭetām 33 yatra vā na ceṣṭetāṃ vāgyataḥ prāyastveva syāt 34
iti drāhyāyaṇaśrautasūtre dvādaśe paṭale dvitīyaḥ khaṇḍaḥ 2