Kalpah 2.7.12.3

2.7.12.3

12.3 tṛtīyaḥ khaṇḍaḥ
prāyaścittaṃ cetkarttavyaᳪsyād bhūḥ svāhetigārhapatye juhuyāt . bhuvaḥ svāheti dakṣiṇāgnau āgnīdhrīye sutyā cet . svaḥ svāhetyāhavanīye . bhūrbhuvaḥ svāheti tatraiva 1 hutvā brūyānceṣṭatākārṣma prāyaścittamiti 2 avelāyāṃ cedvyāharedayajñiyaṃ vāpadyetaitā eva vyāhṛtīranuprekṣeta 3 idaṃ viṣṇuriti varcam 4 amāvāsyāyāṃ dohanapavitre mārjayerannāpohiṣṭhīyābhiḥ 5 tadabhāve dārbhe 6 sarveṣṭiṣviti śāṇḍilyāyanaḥ 7 prāśitramāhriyamāṇaṃ pratimantrayeta mitrasya tvā cakṣuṣā pratipaśyāmīti 8 apa ācamya devasya tveti pratigṛhṇīyāt 6 vyūhya tṛṇāni purastāddaṇḍaᳪsādayet pṛthivyāstvā nābhau sādayāmīti 10 aṅguṣṭhenānāmikayā cādāyāgneṣṭvāsyena prāśnāmīti prāśnīyāt 11 asaṃkhādaṃ nigiret 12 apa ācamyorasi pāṇiṃ nidadhītendrasya tvā jaṭhare sādayāmīti 13 prakṣālya prāśitraharaṇaṃ tatra nidadhyāt 14 yathāhṛtaṃ vā pratihārayet 15 brahmabhāgamāhṛtamagrata upanidadhīta 16 tamiṣṭau saṃsthitāyāṃ prāśnīyāt 17 anvāhāryamantareṇa brahmāṇaṃ yajamānaṃ ca haret 18 svayaṃ ced brahmā yajamānaḥ syātpūrveṇainam 19 hṛtvā tamantarvedi sannaṃ tūṣṇīmālabheta 20 prajāpaterbhāgo'sīti vā 21 athāparaṃ prajāpaterbhāgo'syūrjasvānpayasvān . akṣito'sya kṣitye tvā . prāṇāpānau me pāhi samānavyānau me pāhyudānarūpe me pāhi . ūrgasyūrjaṃ mayi dhehīti 22 tatraiva yajamānaṃ vācayet prajāpatiṃ tvayā samakṣamṛdhyāsamāgamyānvāhāryaṃ dadāni brahman brahmāsi brahmaṇe tvā hutādya mā mā hiᳪsīrahuto mahyaṃ śivo bhaveti 23
iti drāhyāyaṇaśrautasūtre dvādaśe paṭale tṛtīyaḥ khaṇḍaḥ 3