Kalpah 2.7.12.4
Kalpaḥ 2.7.12.4
- Language
- Sanskrit
2.7.12.4
12.4 caturtho khaṇḍaḥ
samidhaṃ prasthānīyāmanumantrayeta deva savitaretatte yajñaṃ prāhurbṛhaspataye brahmaṇe tena yajñamavatena yajñapatiṃ tena māmava . mano jyotirjuṣatāmājyasya bṛhaspatiryajñamimaṃ tanotvariṣṭaṃ yajñaᳪsamimaṃ dadhātu viśve devāsa iha mādayantāmityupāᳪśu pratiṣṭhetyuccairbhurbhuvaḥ svarbṛhaspatirbrahmāhaṃ mānuṣa ityupāᳪśvomityuccaiḥ 1 sarvānumantraṇena vā 2 vimuktāsu praṇītāsu samidha ādadhyādyathāvabhṛthādudetya 3 etatsarveṣṭīnāṃ brahmatvam 4 samāne'hanyekāsane na punaryajuṣopaviśediti śāṇḍilyaḥ 5 agnyādheyeṣṭiṣu prathamāyāṃ yajuṣopaviśeduttamāyāᳪsamidha ādadhyāditi gautamaḥ 6 pṛthagiṣṭiṣviti dhānaṃjayyaḥ 7 cātuṣprāśyaṃ ca prāśnatsu 8 dhenuṃ dadyādbrahmaṇe 9 adhvaryave cāgnipadam 10 dhanurhotre vatsatarīrbrahmaṇe anaḍuho'dhvaryave . sarve trivargāḥ 11 paṣṭhauhīmāgnīdhrāya 12 sarvebhyo'śvarathaṃ kuṇḍale ca 13 evameva dhenumagnipadaṃ ceti śāṇḍilyaḥ 14 dhenumanaḍvāhaṃ vatsatarīṃ vatsataramajaṃ pūrṇapātramiti tatprathamāyāmiṣṭau dadyāt 15 tathottarayoranyatrājyapūrṇapātrābhyām 16 varaḥ saptamo dakṣiṇānāṃ trayodaśo vā pañcaviṃśo vā . etadvājasaneyakam 17 agnyādheyāntān kurvate pūrṇāhutimakṣābhirhomamiṣṭīḥ 18 mithunau dakṣiṇānvārambhaṇīyāyāmiṣṭau19 vājināśvinadharmāṇāmṛtvikṣūpahamiṣṭvā prāṇabhakṣaṃ bhakṣayet 20 pratyakṣabhakṣaᳪsve yajñe 21 yanme retaḥ prasicyate yadvāme'pi gacchati yadvā jāyate punastena māśivamāviśa . tena mā vājinaṃ kuru tasya te vājipītasyopahūtaḥ . upahūtasya bhakṣayāmīti . vājinasyeti . ṛtūnāṃ tvā vājināṃ vājinaṃ bhakṣayāmīti vā vobhābhyāṃ vobhābhyāṃ vā 22
iti drāhyāyaṇaśrautasūtre dvādaśe paṭale caturthaḥ khaṇḍaḥ 4
caturthaḥ prapāṭhakaḥ samāptaḥ 4