Kalpah 2.7.13.1

2.7.13.1

13.1 pañcamaḥ prapāṭhakaḥ . trayodaśaḥ paṭalaḥ . prathamaḥ khaṇḍaḥ
cāturmāsyeṣu varuṇapraghāsānāᳪstambayajurhariṣyatsu yajuṣopaviśet 1 vilikhite cātvāle'dhvaryuṇā saha pratyāvrajyāhavanīyamupaviśet 2 agnī praṇīyamānau yathaitamanugacchet 3 adhvaryuścedbrūyādbrahmannekasyīyopasaṃbhindhīti sphyenāhavanīyātpāᳪsūnupahatyottarasyā vederddakṣiṇādantātkarṣanniyāt 4 āvedimadhyādekā cet 5 prohya sphyaṃ paścimena vediṃ gatvā nidhīyamānayoragnyostūṣṇīmupaviśet 6 etatkarmāgnipraṇayaneṣu sarveṣu 7 avabhṛthanyaṅgaṃ gacchatsu pūrveṇāgnī cātvālaṃ ca gacchet 8 paścimena vedī cātvālaṃ ca sve yajñe 9 haviryajñeṣveṣa saṃcara uttareṇa vihāraṃ karmabhyaḥ 10 yathā cātvāle tathā yūpe śāmitre ca paśau 11 avabhṛthanyaṅgaṃ prāpyābhyukṣaṇaprabhṛti sautyaṃ karma samāpayeyuḥ 12 sākamedheṣu kṣīrodanasya yathārthaṃ prāśnīyāt 13 yajamānaṃ brūyātprabhūtamannaṃ kāraya suhitā alaṃkṛtā bhavatetyamatyān brūhi . vatsāṃśca mātṛbhiḥ saha vāsayeta 14 pūrvāhṇe'dhvaryuḥ kṣīraudanamṛṣabhasya ravathe juhoti brahmāṇamupaveśya 15 ṛṣabhe'ruvati brahmaiva brūyājjuhudhīti 16 tṛṣṇīṃ paitṛkayajñikāyāᳪsarvaṃ kuryāt 17 omityevānumantrayet 15 yajñopavītaprācīnāvītayoradhvaryumanuvidadhīta 16 tasyā havīᳪṣi nirvapsyatsu dakṣiṇayā dvārā prapadya paścātprāṅmukha upaviśet 20 evameva vediṃ gatvā stambayajurhariṣyatsu 21 ājyabhāgayorha॒tayordakṣiṇenāgniṃ parikramya purastāt pratyaṅmukha upaviśedyajamānaśca 22
iti drāhyāyaṇaśrautasūtre trayodaśe paṭale prathamaḥ khaṇḍaḥ 1