Kalpah 2.7.13.2
Kalpaḥ 2.7.13.2
- Language
- Sanskrit
2.7.13.2
13.2 dvitīyaḥ khaṇḍaḥ
hute sviṣṭakṛti yathetaṃ pratyāvrajyopaviśetām 1 prāśitramāhṛtamupaghrāyāpavidhyet 2 ājyaṃ cet prāśitrabhāgān vidhyeyustadupaghrāyāpa upaspṛśet 3 iḍāṃ ca pratigṛhya pratiprayaccheta 4 adhvaryuṇā pariṣicyamāne vyutkramya pariṣikta āhavanīyamupatiṣṭheran 5 dakṣiṇena dakṣiṇāgnimuttareṇa dakṣiṇāgniᳪsve yajñe 6 akṣannamīmadanta hīti prathamā . susaṃdṛśaṃ tvā vayaṃ maghavanmandiṣīmahi . pranūnaṃ pūrṇavandhuraḥ stuto yāsi vaśāᳪanuyojā nvindra te harī iti dvitīyā upoṣu śṛṇuhī giraḥ iti tṛtīyā 7 tata evekṣamāṇā gārhapatyam manonvā huvāmahe nārāśaᳪsena somena . pitṝṇāṃ ca manmabhiḥ . punarnaḥ pitaro mano dadātu daivyo janaḥ . jīvaṃ vrataᳪsacemahi . ā na e tumanaḥ punaḥ kratve dakṣāya jīvase . jyokca sūryaṃ dṛśeyamiti 8 kayā naścitra ābhuvad ityekayā dakṣiṇāgnim 6 traiyambakānāmāpūpā bhavantyekakapālāḥ . teṣāṃ yamadhvaryurākhūtkara upavapettasminnapa upaspṛśeyuḥ śivā naḥ śantamā bhava sumṛḍīkā sarasvati . mā te vyoma saṃdṛśi iti 10 āsītetareṣāᳪhūyamāna iti dhānaṃjayyaḥ 11 tiṣṭhediti śāṇḍilyaḥ 12 hute tiṣṭhanto japeyuḥ avāmba rudramayakṣmahyava devaṃ tryambakama . yathā naḥ śreyasaskaradyathā no vasīyasaskaradyathā naḥ paśumataskaradyathā no vyavasāyayāt . bheṣajamasi bheṣajaṃ gave'śvāya puruṣāya bheṣajaᳪ sugaṃ meṣāya meṣyai subheṣajaṃ yathāsaditi 13
iti drāhyāyaṇaśrautasūtre trayodaśe paṭale dvitīyaḥ khaṇḍaḥ 2