Pamcasaga 4.8

4.8

” ‘pariṇāme aṭṭhattarasayaṃ ca 'tti pariṇāmavisese jaṃ aṭṭhattarasayaṃ
bhaṃgāṇaṃ, taṃpi pāṇāivāyasarūvaṃṃti, taṃ puṇa imeṇa vihiṇā saṃraṃbhasamāraṃbhaāraṃbhā maṇavayakakāyatigeṇa guṇiṇayā nava bhavaṃti, ee ceva
karaṇakāraṇaaṇumatitigeṇa guṇiṇayā sattāvīsaṃ bhavaṃti, ee ceva kohamāṇamāyālobhehiṃ caūhi guṇiṇayā aṭṭhattaraṃ sayaṃ 108
hoi | saṃraṃbhasamāraṃbhaāraṃbhāṇaṃ ca imaṃ sarūvaṃ-“ saṃkappo saṃraṃbho paritāvakaro bhave samāraṃbho | āraṃbho uddavao savvanayāṇaṃ visuddhāṇaṃ
2||” iha suddhanayā negamasaṃgahavavahārā, uvaesadikkhādāṇāhārapasāhaṇattāu saṃraṃbhāītivihavatthuvagamāo ya | iyare
puṇa ujjusuyādayo nicchaiyā asuddhanayā, tammaeṇa savvavahārābhāvāo, āyā ceva ahiṃsā āyā hiṃsatti egavihahiṃsāṃgīkaraṇāo ya tti | ahavā saṃraṃbhaṃ maṇeṇaṃ sayaṃ karei saṃjāyakohapariṇāmo ego, evaṃ māṇamāyālobhehiṃvi, savvevi cattāri,
ete karaṇeṇa cattāri kārāvaṇeṇa aṇumaīhiṃpi, savvevi bārasa ee maṇeṇa, bārasa vayaṇeṇa kāeṇavi bārasa ceva, ee chattīsā
saṃraṃbheṇa, ee ceva samāraṃbheṇa āraṃbheṇavi, savve aṭṭhattarasayaṃti | samāraṃbhāraṃbhā maṇeṇa kahaṃ saṃbhavaṃti ? bhannai-maraṇāijaṇagamaṃtāi
parijavam̐tassa saṃbhavaṃti ceva | vāyākāyāehiṃ saṃraṃbho kahaṃ ?, tivvasaṃkappuvvagaṃ jaṃ kiṃpi vāyāe bhaṇai ceṭṭhai vā kāeṇa taṃ uvayārao vayaṇakāyasaṃraṃbhotti | evaṃ sāmanneṇa pāṇāivāyasarūvaṃ kahie jārisassa pāṇāivāyassa viraī paḍhamāṇuvayaṃ hoi taṃ dariseithūlagapāṇavahassa viraī duviho ya so vaho hoi | saṃkappāraṃbhehiṃ vajjai saṃkappao vihiṇā