Viyahapannatti v6.p511

v6.p511

teulessehivi cattāri uddesagā ohiyasarisā | pamhalessehivi cattāri uddesagā |
sukkalessehivi cattāri uddesagā ohiyasarisā, evaṃ eevi bhavasiddhiehivi aṭṭhāvīsaṃ uddesagā bhavaṃti | sevaṃ bhaṃte! sevaṃ bhaṃte! tti |
-: śatakaṃ - 41 uddeśakaḥ-57- 84 :
mū. (1074) abhavasiddhiyarāsījummakaḍajummaneraiyā ṇaṃ kao uvavajjanti jahā paḍhamo uddesago navaraṃ maṇussā neraiyā ya sarisā bhāṇiyavvā, sesaṃ taheva | sevaṃ bhaṃte! 2 | evaṃ causuvi jummesu cattāri uddesagā |
kaṇhalessaabhavasiddhiyarāsījummakaḍajummaneraiyā ṇaṃ bhaṃte! kao uvavajraṃti ?, evaṃ ceva cattāri uddegā, evaṃ nīlalessaabhava0 cattāri uddesagā kāulessehivi cattāri uddesagā teulessehivi cattāri uddesagā pamhalessehivi cattāri uddesagā sukkalessaabhavasiddhievi cattāri uddesagā | evaṃ eesu aṭṭhāvīsāevi abhavasiddhiyauddesaesu maṇussā neraiyagameṇaṃ neyavvā | sevaṃ bhaṃte ! 2 tti | evaṃ eevi aṭṭhāvīsa uddesagā |
-: śatakaṃ - 41 uddeśakaḥ 85-112:
mū. (1075) sammadiṭṭhīrāsījummakaḍajummaneraiyā ṇaṃ bhaṃte! kao uvavanaṃti ?, evaṃ jahā paḍhamo uddesao evaṃ causuvi jummesu cattāri uddesagā bhavasiddhiyasarisā kāyavvā | sevaṃ bhaṃte ! 2 tti |
kaṇhalessasammadiṭṭhīrāsījummakaḍajummaneraiyā ṇaṃ bhaṃte ! kao uvavajraṃti ?, eevi kaṇhalessasarisā cattārivi uddesagā kāyavvā, evaṃ sammadiṭṭhīsuvi bhavasiddhiyasarīsā aṭṭhāvīsaṃ uddesagā kāyavvā | sevaṃ bhaṃte! sevaṃ bhaṃtetti jāva viharai |

mū. (1076) micchādiṭṭhīrāsījummakaḍajummaneraiyā ṇaṃ bhaṃte! kao uvavajnaṃti ?, evaṃ etthavi micchādiṭṭhiabhilāveṇaṃ abhavasiddhiyasarisā aṭṭhāvīsaṃ uddesagā kāyavvā | sevaṃ bhaṃte! sevaṃ bhaṃtetti |
-: śatakaṃ - 41 uddeśakaḥ - 141-168 :
mū. (1077) kaṇhapakkhiyarāsījummakaḍajummaneraiyā ṇaṃ bhaṃte! kao uvavajjaṃti ?, evaṃ etthavi abhavasiddhiyasarisā aṭṭhāvīsaṃ uddesagā kāyavvā | sevaṃ bhaṃte ! 2 tti |
-: śatakaṃ - 41 uddeśakaḥ-169-196ḥ
mū. (1078) sukkapakkhiyarāsījummakaḍajummaneraiyā ṇaṃ bhaṃte! kao uvavajraṃti ?, evaṃ etthavi bhavasiddhiyasarisā aṭṭhāvīsaṃ uddesagā bhavaṃti, evaṃ ee savvevi channauyaṃ uddesagasayaṃ bhavanti rāsījummasayaṃ | jāva sukkalessā sukkapakkhiyarāsījummakaliyogavemāṇiyā jāva jai sakiriyā teṇeva bhavaggahaṇeṇaṃ sijjhati jāva aṃtaṃ kareti, no iṇaṭṭe samaṭṭe, sevaṃ bhaṃte! 2 tti |