Viyahapannatti 687

687

‘ભગવતી’ સૂત્ર-૪૫૪ :– [૯/૩૨/૪૫૪]
ભગવન્‌! તિર્યંચયોનિક પ્રવેશનક કેટલા ભેદે છે? ગાંગેય! પાંચ ભેદે છે. તે આ - એકેન્દ્રિય તિર્યંચયોનિક પ્રવેશનક યાવત્‌ પંચેન્દ્રિય તિર્યંચયોનિક પ્રવેશનક.
ભગવન્‌! એક તિર્યંચયોનિક, તિર્યંચ પ્રવેશનકથી પ્રવેશતા શું એકેન્દ્રિયમાં હોય કે પંચેન્દ્રિયમાં હોય? ગાંગેય! એકેન્દ્રિયમાં હોય યાવત્‌ પંચેન્દ્રિયમાં હોય. - - ભગવન્‌! બે તિર્યંચયોનિકની પૃચ્છા. ગાંગેય! એકેન્દ્રિય યાવત્‌ પંચેન્દ્રિયમાં હોય. અથવા એક એકેન્દ્રિયમાં હોય, એક બેઈન્દ્રિયમાં હોય, એ રીતે જેમ નૈરયિક પ્રવેશનકમાં કહ્યું, તેમ તિર્યંચયોનિક પ્રવેશનકમાં પણ કહેવું. યાવત્‌ અસંખ્યાતા.
ભગવન્‌! ઉત્કૃષ્ટા તિર્યંચયોનિકની પૃચ્છા. ગાંગેય! બધાં જ એકેન્દ્રિયમાં હોય અથવા એકેન્દ્રિયમાં હોય, બેઈન્દ્રિયમાં હોય. એ રીતે જેમ નૈરયિકમાં સંયોગ કહ્યા, તેમ તિર્યંચયોનિકમાં પણ સંયોગ કહેવા. એકેન્દ્રિયોની સાથે દ્વિકસંયોગ, ત્રિકસંયોગ, ચતુષ્કસંયોગ, પંચસંયોગ ઉપયોગપૂર્વક કહેવા. યાવત્‌ અથવા એકેન્દ્રિયમાં, બેઈન્દ્રિયમાં યાવત્‌ પંચેન્દ્રિયમાં હોય.
ભગવન્‌! આ એકેન્દ્રિય તિર્યંચયોનિક પ્રવેશનક યાવત્‌ પંચેન્દ્રિય૦ના કોણ કોનાથી યાવત્‌ વિશેષાધિક છે? ગાંગેય! સૌથી થોડાં પંચેન્દ્રિય તિર્યંચ યોનિક પ્રવેશનક છે. ચઉરિન્દ્રિય૦ વિશેષાધિક, તેઈન્દ્રિય૦ વિશેષાધિક, બેઈન્દ્રિય૦ વિશેષાધિક, તેનાથી એકેન્દ્રિય૦ વિશેષાધિક છે.