Nayadhammakahao 1.16.5.2

1.16.5.2

taē ṇaṁ sē jiṇadattē satthavāhē sūmāliyaṁ dāriyaṁ pāsaï pāsittā sūmāliyāē dāriyāē rūvē ya jōvvaṇē ya lāvaṇṇē ya jāyavimhaē kōḍumbiyapurisē saddāvēi saddāvēttā ēvaṁ vayāsī — ēsa ṇaṁ dēvāṇuppiyā! kassa dāriyā kiṁ vā nāmadhējjaṁ sē? taē ṇaṁ tē kōḍumbiyapurisā jiṇadattēṇaṁ satthavāhēṇaṁ ēvaṁ vuttā samāṇā haṭṭhatuṭṭhā karayala jāva ēvaṁ vayāsī — ēsa ṇaṁ dēvāṇuppiyā! sāgaradattassa satthavāhassa dhūyā bhaddāē bhāriyāē attayā sūmāliyā nāmaṁ dāriyā-sukumālapāṇipāyā jāva ukkiṭṭhā.