Biha Kappa v1.p12

v1.p12

sampādakīyam
kṛtiparicaya:
viditamevaitad viduṣāṃ yannavamāt pratyākhyānapravādapūrvāt ṣaṭ chedasūtrāṇi caturdaśapūrvadharaiḥ śrīmad bhadrabāhusvāmipādainiḍhūm̐ḍhāni iti| teṣu bṛhatkalpetyaparanāma kalpasūtramanyatamat|
| prāyaścittaviṣayakasyāsya sūtrasya catvāri vyākhyānāni upalabhyante| prathamaṃ niyuktirūpam, dvitīyaṃ bhāṣyarūpam, tṛtīyaṃ cūrṇirūpam, caturthaṃ ca vṛttirūpam| tatra niyukterracanā caturdaśapūrvadharaiḥ sūtrakāraiḥ śrīmadbhiḥ bhadrabāhasvāmibhiḥ kṛteti paramparāgataṃ śīlāṅkācāryādisamarthitaṃ matam| āgamaprabhākaramunivaryaśrī puṇyavijayānāṃ matena tu niyuktikṛto bhadrabāhusvāminaḥ sūtrakṛto bhinnā dvitīyaśatakavartinaḥ| sampādanaviṣayaḥ
kalpasūtrasya dvau bhāṣyau, dve cūrṇī copalabhyante| prācīnaṃ niyuktisahitaṃ sādhikaṣaṭasahasraślokapramitaṃ laghubhāṣyam| dvitīyaṃ tu svatantram arvācīnam 7676(ṣaṭsaptatyadhikaṣaṭsaptatiśata)gāthāpramāṇam bṛhadbhāṣyamiti prasiddham| bṛhadbhāṣyasya racanā cūrṇidvayaracanānantaraṃ jāteti| cūrṇiriti āgamānāṃ gadyarūpaḥ prathamo vyākhyāprakāraḥ saṃskṛtaprākṛtabhāṣānibaddha iti| aṃśavyākhyānarūpatvena cāsya cūrṇiriti sajñeti vadanti| niyuktibhāṣyayoḥ padyaśailī vihāyaidamprāthamyena gadyarūpā vyākhyānaśailī cūrṇau dṛśyate|
prācīnasya laghubhāṣyasyopari dve cūrṇī vartete| prācīnā cūrṇiḥ kevalaṃ cūrṇināmnā prasiddhā anyā ca bhedopadarśanārthaṃ viśeṣacūrṇiriti nāmnā prasiddhā| saiṣā prācīnamahattarācāryaviracitā viśeṣacūrṇiratra sampādayiṣitā| sampādanaprayojanam
bṛhatkalpalaghubhāṣyasya prācīnatamāni trīṇi vyākhyānāni vidyante| cūrṇiḥ, viśeṣacarṇiḥ, bṛhadbhāṣyaṃ ca| etattrayamapi adyāvadhi aprakāśitaṃ vartata ityato viśeṣacūrṇiḥ sampādyate| cūrṇeḥ sampādanaṃ
1. etena itaḥ pūrvamasmatsampādite pustake niyuktiracanāsamayaḥ saptamamaṣṭamaṃ vā śatakamiti likhitaṃ tadanavadhānavaśāditi jñeyam| tadarthaṃ kṣantavyo'yaṃjanaḥ| 2. aprakaṭametaccālpenaiva kālena prakāśayiṣyate|