Biha Kappa v1.p13

v1.p13

pūjyācāryaśrī śīlacandrasūrivarāḥ kurvanti, bṛhadbhāṣyaṃ ca alpenaiva kālena prakāśayiṣyate|
paramapūjyapravartakaśrīcaturavijayamunivarapravaraśrīpuṇyavijayaiḥ pūjyācāryaśrīmalayagirisūribhiḥ ārabdhā pūjyācāryaśrī-kṣemakīrtisūriprapūritā vyākhyā sampādya prakāśitā| tatra ca ṭīppaṇyāṃ cūrṇerviśeṣacūrṇeśca pāṭho'pi tatra tatra nyastaḥ| vṛttireṣā sphuṭā pratyekapadavyākhyānarūpā ca bṛhatkalpabhāṣyāvabodhe sādhakatamā cāsti| adhunā tu sarvatra vṛttirevaiṣā vācanādāvupayujyate| ataḥ paṭhanapāṭhanavācanādau yadyapi cūrṇeḥ, viśeṣacūrṇeḥ, bṛhadbhāṣyasya copayogo nāsti tathāpi cūrṇisāhityasya viśiṣṭā saṃskṛta-prākṛtavimiśritā bhāṣā api bhāṣāśāstrīyādhyayanārthaṃ samājaśāstrādhyayanārthaṃ copayuktatamā vartata ityato'pi sampādanamāvaśyakam| sampādanasāmagrī___ viśeṣacūrṇeḥ sampādane pañca hastaprataya upayuktāḥ santi| sarvāḥ pratayaḥ kargajasya santi| sampādanaṃ pradhānatayā a-ba-sañjñakapratadvayamupayujya kṛtamasti| sarvāsāṃ pratīnāṃ sajñā-paricayo'tra datto'sti| sarvāsāṃ pratīnāṃ mṛdupratayaḥ(softcopies) prāptā atasteṣāmākārādiviṣaye'trollekho nāsti| sarvāsāṃ lipi devanāgarī evāsti ataḥ tasyollekhaḥ sarvatra kṛto nāsti| hastapratīnāṃ paricayaḥ a-sajñikāyāḥ praterbahiraṅgaparicaya:___ pratireṣā aṇahilapurapattananagarasthahemacandrācāryajainajñānamandirahastapratabhāṇḍāgārataḥ prāptā| tatra sūcipatre tasyāḥ kramāṅkaḥ –10040 asti|(pākāhema) asyāṃ pratau dvāpañcāśadadhikaśatapatrāṇi (folios) vartante| pratipatrasya pratyekasmin pṛṣṭhe pañcadaśa paṅktayaḥ, pratipaktau ṣaḍaśīti akṣarāṇi santi| pratireṣā pūrṇāsti tathā sthitiḥ śreṣṭhā suvācyā cāsti| lekhanaṃ śuddhamasti|
maṅgalavākyam- oṃ namaḥ sarvajñāya|| antapuṣpikā- śubhaṃ bhavatu|| maṃgalamastu|| sarvasādhūnāṃ||cha||cha||cha||cha||
lekhakalekhanakālayonirdeśo nāsti| sāmānyato yā paddhatirupayujyate patrakramāṅkasya saivātropāyojitāsti| patrasya babhāge ubhayato dakṣiṇavāmabhāge'nukrameṇa ūrdhvādhobhāge patrakramāko datto'sti| tathā dakṣiṇoddhe bhāge pratipatraṃ viśe|kalpācū| iti sakṣepato nāmollekho'sti kṛteḥ|
1. sampādane'tra sampādakīye ca yatra malayagirīyavṛtterullekho vartate tatra sarvatra pūjyācāryaśrīmalayagirisūribhirārabdhā pūjyācāryaśrīkṣemakīrtisūriprapūritā vyākhyā jñeyā|