Biha Kappa v1.p17

v1.p17

pūjyapādācāryaśrīmalayagirisūrikṛtavṛtterevopayogaḥ kṛtaḥ, yataḥ sā eva cūrṇarbhāṣyakārasya ca āśayānuguṇā vartate| kalpacūrṇeḥ kalpaviśeṣacūrṇeśca pāṭhāḥ saptatyadhikapratiśataṃ sāmyaṃ bibhratīti tasya upayogaḥ pagāriyāmahodayaiḥ kṛta iti tu anupadamevoktam| ___ bṛhatkalpamūlasūtrāṇāṃ pāṭhaḥ muca'- pustakādhāreṇa gṛhītaḥ| bhāṣyagāthānāṃ pāṭho'pi śrīcaturavijayasampāditamudritapustakādhāreṇa gṛhītaḥ| cūrṇikṛtā bhāṣyagāthānāṃ yāni pratīkānyuddhatāni santi tebhyo mudritabhāṣyapāṭhānāṃ yatra pāṭhabhedaḥ dṛṣṭastatra cūrṇikṛtsammataḥ pāṭha ādṛtaḥ| ato bhāṣyapāṭhasya bhāṣyagāthānāmakārādikramaśca bhinno bhaviṣyati| mudritapāṭhaḥ ṭīppaṇyāṃ nyastaḥ| etena pūjyācāryaśrī malayagirisūrerarvāg bhāṣyapāṭhaḥ ka āsīditi jñāsyate|
bhāṣyaṃ niyuktimiśritaṃ vartate| bhāṣye niyuktigāthā kā ityasya nirṇaye dvau ādhārau-cūrṇiḥ, malayagirīyā vṛttiśca| anyacca bhāṣyasyāntarikī racanāpaddhatiṃ jñātvā tadviṣaye kaścinnirṇayaḥ kartuṃ śakyaḥ| tṛtīyaṃ anyān sandarbhān dṛṣṭvāpi nirṇayo bhavitumarhati| yathātra bhāṣye dṛśyamānā gāthāḥ piṇḍaniryuktau oghaniryuktau āvaśyakādiniryuktau upalabhyante cedatrāpi asya niyuktigāthā bhaviṣyantītyanumātuṃ śakyate|
atrāsmābhiḥ cūrṇikṛtā purātanagāthātvena ullikhitā ācāryaśrīmalayagirisūribhiśca śabdaśo yeṣāṃ ullekhaḥ kṛtaḥ tāḥ sarvā api gāthāḥ niyuktisatkā iti vibhāvitam| bhāṣyakṛtopanyastāḥ sambandhagāthāḥ, saṅgrahagāthāśca niyuktirūpā anyā vā iti nirṇaye kimapi vaktumasāmarthyamasmākamiti|
kutracid viśeṣacūrṇī anupalabhyamānaḥ pāṭhaḥ vṛttigatapāṭhamanusṛtya pūritaḥ sampāditaścā yathā—2848tamagāthāyām|
sambhāvitāḥ pāṭhāḥ ṭīppaṇyāṃ 'bhāvyam' padena nirdiṣṭāḥ santi| śaṅkāspadasya pāṭhasyāgre praśnacihna kṛtam|
viśeṣacūrṇikṛtā upātteṣu bhāṣyagāthāpratīkeṣu mudritabhāṣyagāthāyāḥ vācanābhedo bahutra dṛśyate| sa tathaiva nyastaḥ|
mucapustake bhāṣyagāthāsu padacchedaḥ kṛtaḥ sa evātrāpi ādṛtaḥ|
kutracit sarvāsvapi pratiṣu aśuddhaḥ pāṭho vidyate tatra pūrvāparānurodhena saṅgataḥ pāṭha upanyastaḥ| yathā 4388tamagāthāyāṃ pratiṣu 'saṃsaio ya' iti pramādadoṣajanyaḥ pāṭho vidyate'taḥ kalpyate mūlādarśapratiṣu etādṛśaḥ pāṭhaḥ syāt|
1.bṛhatkalpasūtram| saṃ.paramapūjyapravartakaśrīcaturavijayamunipravaraśrīpuṇyavijayau pra.jaina ātmānanda sabhā, bhāvanagara|