Biha Kappa v1.p336

v1.p336

asaṃpāi ahālaṃde, addiḍhe paṃca diṭṭhi māso u | porisi adiṭṭhi diḍhe, lahu guru ahi guruoṃ lahuā u ||2403|| saṃpāime vi evaṃ, māsādī navari ṭhāi caugurue | bhikkhūvasabhā''yarie, tava kālavisesiyā ahavā ||2404|| ahavā bhikkhusseyaṃ, vasabhe lahugāi ṭhāi chalahue | abhisege gurugādī, chagguru lahu chedoṃ āyarie ||2405|| ahavā paṃcaṇhaṃ saṃjaīṇa samaṇāṇa ceva paṃcaṇhaṃ | paṇagādī āraddhaṃ, ṇeyavvaṃ jāva carimapadaṃ ||2406||
["saṃpātime0" "jalajā u0" "asaṃpāti0" "saṃpātime0" "ahavā bhikkhu0"] "ahavā paṃcaṇhaṃ0" gāhā | ahavā jahannae ahālaṃ de khuḍḍiyāe addiṣṭe paṃcarāiṃdiyā guruyā porusiṃ ciṭṭhai, adiṭṭhā paṃcarāiṃdiyā guruyā, diṭṭhā dasarāiṃdiyā lahuyā, ahiyaṃ porusiṃ acchai | addiṭṭhā dasarāiṃdiyā lahuyā, diṭṭhā dasarāiṃdiyā guruyā | eyaṃ asaṃpāime | saṃpāime paṃcahiṃ guruehiṃ āḍhattaṃ paṇṇarasehiṃ lahuehiṃ ṭṭhāi | eyaṃ ciṭuṃtīe | ṇisīdaṃtīe pannarasehi guruehiṃ ṭhāi | tuyaṭuṃtīe vīsāe lahuehiṃ ṭhāi, ṇihāyaṃtīe vīsāehiṃ guruehiṃ ṭhāi, payalāyaṃtīe paṇuvīsāe lahue ṭhāti | asaṇādi āhāraṃ āhareṃtīe paṇuvīsāe rāiṃdiehiṃ guruehiṃ ṭhāi | uccāre māsalahue ṭhāti | kāussagge māsagurue ṭhāi | sajjhāe caulahue ṭhāi | dhammajāgariyāe caugurue ṭhāi| evaṃ khuḍḍīe | therīe challahue ṭhāi | bhikkhuṇīe chaggurue ṭhāti | abhiseyāe chede ṭhāi | pavattiṇīe mūle ṭhāi | jahā bhikkhuṇī tahā khuḍao, jahā gaṇiṇī tahā thero | pavattiṇi sariso bhikkhū | uvajjhāo guruehiṃ pannarasehiṃ āḍhatto aṇavaḍhe ṭṭhāi | āyario vīsāe lahuehiṃ āḍhatto pāraṃcie ṭhāi |
saṃjai saṃjaya taha saṃpa'saṃpa ahalaṃda porisī ahiyā | ciṭṭhāī addiḍhe, diḍhe paṇagāi jā carimaṃ ||2407|| paṇa dasa panarasa vīsā, paṇavīsā māsa caura cha cceva | lahu gurugā savvete, chedo mūlaṃ dugaṃ ceva ||2408|| paṇagāi asaṃpāima, saṃpāima'diṭṭhameva diḍhe ya | cauguruem̐ ṭhāti khuḍḍī, sesāṇaṃ vuḍḍhi ekkekkaṃ ||2409||