Biha Kappa v1.p337

v1.p337

[dagatīrapagayaṃ challahuem̐ ṭhāi therī, bhikkhuṇi chagguruऍ cheda gaṇiṇī u | mūle pavattiṇī puṇa, jaha bhikkhuṇi khuḍḍae evaṃ ||2410|| gaṇiṇisariso u thero, pavattiṇivibhāgasarisao bhikkhū | aḍḍokkaṃtī evaṃ, sapadaṃ sapadaṃ gaṇigurūṇaṃ ||2411|| evaṃ tu ciṭṭhaṇādisu, savvesu padesu jāva ussaggo |
pacchitte ādesā, ikkikkapayammi cattāri ||2412||
["saṃjai0" "paṇa dasa0" "paṇagāi0" "challahue ṭhāti0" "gaṇiṇi sariso0"] "evaṃ tu ciṭṭhaṇāisu0" gāhā | samattaṃ dakatīraṃ |
adhunā jūvakasyāvasaraḥ | tattha gāhā -
saṃkama jūve acale, cale ya lahugo ya huṃti lahugā ya | tammi vi so ceva gamo, navari gilāṇe imaṃ hoi ||2413||
“saṃkama jūve0" gāhā | jūvakaṃ nāma pīḍhaṃ pāṇiyaparikhittaṃ | tattha puṇa devaliyā gharaṃ vā hojja, tattha vasahiṃ geṇhai caulahuyā, eyaṃ gahaṇanipphaṇṇaṃ | so puṇa saṃkameṇa jaleṇa vā gammai | saṃkamo duviho-saṃbaddho asaṃbaddho ya | ekkekko calo acalo ya | acaleṇa jāi māsalahum̐ | calo duviho-sapaccavāo nipaccavāo ya | nippaccavāeṇa jāi caulahuyā, sapaccavāeṇa jāi cauguruya | "tammi vi so ceva gamo0" gāhāpacchaddhaṃ | eyammi vi jūvae sacceva vattavvayaṃ jā dagatīrassa, dosā ya ahikaramatarāyādi jāva ahālaṃde | ekkakkammi padammi cattāri | navari ime abbhahiyā dosā gilāṇassa | tattha gāhā -
daṭṭhaṇa va saikaraṇaṃ, obhāsaṇa virahie ya āiyaṇaṃ | paritāvaṇa caugurugā, akappa paḍiseva mūla dugaṃ ||2414|| āukkāe lahugā, pūyaragādītasesu jā carimaṃ |
je gelanne dosā, dhiidubbale sehe te ceva ||2415||
["daṭṭhaṇa va saikaraṇaṃ0" "āukkāe0"] gāhā | daṭṭhaṇa saikaraṇaṃ uppajjai'pivāmi' tāhe obhāsai | jai dijjai saṃjamavirāhaṇā, aha na dijjai pariccatto | virahiyaṃ nāma sunnayaṃ, nāuṃ ādiejja āukkāyaniṣphannaṃ caulahuyā| pūyaragamādisuṃ maṃḍukkaliyamādisu tisu carimaṃ pacchittaṃ | 'pariyāvaṇa'tti | aha na dei obhāsaṃtassa mā saṃjamavirāhaṇā bhavissai | tattha jaṃ gāḍha-aṇāgāḍhāi paritāvijjati taṃ nipphaṇṇaṃ uddāi carimaṃ | jaṇo bhaṇai-aho niraṇukaṃpā maggaṃtassa vi na deṃti | uḍḍāho | akappapaḍisevaṇaṃ nāma kayāi so sayaṃ gahāya