Biha Kappa v1.p339

v1.p339

[dagatīrapagayaṃ "paḍhame gilāṇakāraṇa" gāhā | 'paḍhame' tti dagatīrāe | tattha gilāṇakāraṇeṇaṃ ṭhāejja | kerisaṃ taṃ puṇa gilāṇakāraṇaṃ ? tattha gāhā -
vijjadaviyaṭṭhāe, nijjaṃtoṃ gilāṇo asati vasahīe |
joggāe vā asatī, ciṭṭhe dagatīra'ṇoyāre ||2421||
"vijjadavi0" gāhā | vejjassa vā sakāsaṃ nijjaṃto usahāṇa vā asai annattha nijjaṃto annattha natthi vasahi tti kāuṃ tattha ṭhāejja | gilāṇapāuggā vā vasahī natthi, annattha dagatīrāe ya atthi vasahī tāhe tattha ṭhāejja | ahavā nijjaṃto gilāṇo vi samaṇaṭṭhāe dagatīrāe oyārijjai muhattagaṃ | tattha puṇa imā jayaṇā-jattha tiriyādīṇa natthi uyāro tattha ṭhavijjai | tattha imā jayaṇā -
udagaṃteṇa cilimiṇī, paḍiyarae mottu sesa annattha | paḍiyara paḍisaṃlīṇā, karijja savvāṇi vi payāṇi ||2422|| addhāṇaniggayādī, saṃkama appābahuṃ asunnaṃ ca | gelannasehabhāvo, saṃsaṭṭasiṇaṃ va nivvaviuṃ ||2423||
"udagaṃteṇa cilimiṇī0" ["addhāṇaniggayādī0"] gāhā | kaṇṭhyā | paḍhame tti gayaṃ | iyāṇi bitie tti jūvagaṃ |
tattha vasahīe asai, addhāṇaniggayādī sāhuṇo tāhe jūvae ṭhāukāmā 'appābahue'' tti tehiṃ saṃkamehiṃ jehiṃ nippaccavāyaṃ teṇa gammai | 'asuṇṇaṃ' ti diyā va rāo vi asunnaṃ paḍissayaṃ kareṃti | tattha jai gilāṇasehāṇa pāṇiyaṃteṇa asubho bhāvo uppajjai tāhe pannavijjati saṃsaṭṭhapāṇayaṃ vā usiṇodayaṃ vā sunivvaviyaṃ kāuṃ dijjai |
iyāṇiṃ rāiṇiyakajjakaraṇa tti (gā0 2420)| rāiṇio rāyī, tattha kiṃci kajjaṃ ahīṇaṃ hojja, so ya na kārijja taṃ kajjaṃ | tassa rāiṇiyassa jūvayaṃ gaṃtavvaṃ hojja | tāhe so sāhū tattha āyāvejja, teṇa kajjeṇa taṃ āyāveṃtaṃ daṭuṃ mahātavassi tti alliejja, tattha āuṭṭo kajjaṃ kāhii | ee kāraṇeṇa āyāvejja | tattha gāhā -
oloyaṇa niggamaṇe, sasahāo dagasamīve āyāve | ubhayadaḍho bhogajaḍhe, kajje āuṭṭa pucchaṇayā ||2424||
"oloyaṇa" gāhā | jattha logo oloei | rāyā raṇṇo vā niggamaṇapahe, na ekkāṇio sasahāyo | ubhayadaḍho nāma dhiie baleṇa ya | 'bhogajaḍhe'tti | jattha gāmā rannāṇaṃ
1. appabahuṃ muca |