Biha Kappa v1.p338

v1.p338

paḍhamo uddeso
257
āukkāyaṃ piejjā eyaṃ akappaṃ | uktaṃ ya-" akappo gihibhāyaṇaṃ 10" [daśa0 6.8] | 'mūla' tti āukkāe biiṃdiyehiṃ mūlaṃ | tattha tasā maṃḍukkaliyādī paṃcidiehiṃ tihiṃ carimaṃ pāvai | ete sehassa vi dosā |
iyāṇi āyāvaṇā | tattha gāhā
āyāvaṇa taha ceva u, navari imaṃ tattha hoi nāṇattaṃ |
majjaṇa siṃcaṇa pariṇāma vitti taha devayā paṃtā || 2416 || [ ni0 ]
" āyāvaṇaṃ0 2" gāhā | āyāvei caulahuyā | te ceva ahikaraṇādao dosā je dagatīrāe je ya jūvae saṃbhavaṃti te bhāṇiyavvā | ime abbhaiyā - majjaṇa - siṃcana - pariṇāma tinnivi ekkagāhāe vakkhāṇe
majjaṃti va siṃcaṃti va, paḍiṇīya'ṇukaṃpayā va ṇaṃ keī | taṇhuṇhaparigayassa va, pariṇāmo ṇhāṇapiyaṇesu ||2417||
‘“majjaṃti va0’” gāhā | kaṇṭhyā | vitti tti | asya vyākhyā - taṃ āyāveṃtaṃ daddhuṃ jaṇo āuṭṭo - imo paccakkhao devo kiṃ amhaṃ annesiṃ dinneṇaṃ hohiti ? etassa dinnaṃ mahapphalaṃ ti | tā maruyā paṭṭā, duakkhariyaṃ bherettā chobhagaṃ dejjā | taha ceva ya devayā | 'paṃta' tti | devayāe pūyaṃ kariṃtao āsi | taṃ sāhuṃ āyāvetaṃ daddhuṃ "taha ce ( de )va" tti | jahā marugāṇa tahā vibhāsiyavvaṃ | tāhe sā devayā paṃtā ruṭṭhā samāṇī duiyārūveṇaṃ loyassa cakkhu āvaraṇaṃ karettā chobhagaṃ dejjā, khittacittā vā karejja | dvāradvayasya porāṇā vyākhyāgāhā -
āu jaṇe marugāṇa adāṇe kharitirikkhichobhādī |
paccakkhadevapūyaṇa, khariyā''varaṇaṃ va khittāī ||2418|| [ ni0 ]
'āuṭṭa jaṇe0 " gāhā | asyāpi vyākhyā -
āyāvaṇa sāhussā, anukaṃpaṃ tassa kuṇai gāmo u |
maruyāṇaṃ ca paoso, paḍiṇīyāṇaṃ ca saṃkāya ||2419||
44
'āyāvaṇa0 gāhā | kaṇṭhyā | paḍiṇīyāṇaṃ ca saṃkāo, teṇaṭṭe mehuṇādīhiṃ ca
11
kāraṇehiṃ paḍiṇīyā saṃkejja | biiyapade ṭhāejjā vi dagatīrāe | tattha gāhā -
paḍhame gilāṇakāraṇa, bīe vasahīऍ asaie vasaī |
rāyaṇiyakajjakāraṇa, taie biiyapaya jayaṇāe ||2420 || [ ni0 ]
1. vayachakkaṃ kāyachakkaṃ, akappo gihibhāyaṇaṃ | paliyaṃkaṃ nisijjā ya, siṇāṇaṃ sobhavajjaṇaṃ || 2. āyāvaṇa muca |