Biha Kappa v1.p446

v1.p446

|| vatthapagayaṃ || [suttaṃ] no kappai niggaṃthāṇa vā niggaṃthīṇa vā rāto vā viyāle vā vatthaṃ vā paḍiggahaṃ vā kaṃbalaṃ vā pāyapuṃchaṇaṃ vā paḍigāhittae na'nnattha egāe hariyāhaḍiyāe ||1-44||
saṃbaṃdhe gāhā -
jaha sejjā'ṇāhāro, vatthādemeva mā aipasaṃgā| diyadiṭṭhavatthagahaṇaṃ, kujjā u nisiṃ ato suttaṃ ||2969||
"jaha sejjā0" gāhā | kaṇṭhyā | 'hṛñ haraṇe' (pā dhātupāṭhaḥ) hṛtā-āhṛtā haritāhaḍiyā, rattā paṃcavannāṇaṃ egatarā saddhā masiṇā kayā |
rāto vatthaggahaṇe, cauro māsā havaṃti ugghāyā |
āṇāiṇo ya dosā, āvajjaṇa saṃkaṇā jāva ||2970||
"rāo vatthaggahaṇe0" gāhā | je rāo bhoyaṇe dosā bhaṇiyā te ceva vatthaggahaṇe paṃcasu eesu āvajjaṇā saṃkaṇā vā rāībhoyaṇasutte uktā |
biiyaṃ vihe vivittā, paḍisatthāī samicca rayaṇīe | te ya pae cciya satthā, calihiṃtubhae va ikko vā ||2971||
"biiyaṃ" gāhā | biiyapade geṇhejja rāo vā viyāle vā vastrādi vihaṃ = addhāṇaṃ tattha muṭṭhā vivittā | paḍisatthe miliyā tattha rattiṃ geṇhejja vatthādīṇi, nattaṃ-rātrī |
uddaddare subhikkhe, addhāṇapavajjaṇaṃ tu dappeṇa | lahugā puṇa suddhapade, jaṃ vā āvajjaī jattha ||2972|| nāṇaṭṭha daṃsaṇaṭṭhā, carittaṭṭhā evamāi gaṃtavvaṃ | uvagaraṇa puvvapaḍilehieṇa sattheṇa gaṃtavvaṃ ||2973||
"uddaddare0" ["nāṇaṭṭha0"] gāhādvayaṃ pūrvoktam | (gā0 2878-79) evaṃ te biiyapade addhāṇaṃ pavannā, tattha sattho vi vivicciumāraddho -
satthe viviccamāṇe, asaṃjae saṃjae tadubhae ya | maggaṃte jayaṇa dāṇaṃ, chinnaṃ pi hu kappaī ghettuṃ ||2974||
1. nannattha...hariyā haḍiyāe agrime sūtre vartate muca |