Biha Kappa v1.p447

v1.p447

[vatthapagayaṃ "satthe0" gāhā | asya vyākhyā -
saṃjayabhaddā gihibhaddagā ya paṃtobhae ubhayabhaddā | teṇā hoṃti cauddhā, vigicaṇā dosu tū jaīṇaṃ ||2975|| "saṃjaya bhaddā0" gāhā | kaṇṭhyā | jattha saṃjayā ṇa vivittā, gihatthā vivittā |
jai deṃta'jāiyā jāiyā va na vi deṃti lahuga gurugā ya | sāgāra dāṇa gamaṇaṃ, gahaṇaṃ tasseva na'nnassa ||2976|| daṃḍapaḍihāravajjaṃ, colapaḍalapattabaṃdhavajjaṃ ca | parijuṇṇāṇaṃ dāṇaṃ, uḍḍāhapaosapariharaṇā ||2977||
"jai deṃta'jjā0" "daṃḍaparihāra0" gāhā | jai amaggitā gihatthā ṇa deṃti vatthādīṇi :: 4 (caturlaghu), maggiyā ṇa deṃti ::| 4 (caturguru), tamhā dāyavvaṃ | sāgāraṃ deṃti kahaṃ? bhaṇaṃti-amhaṃ paḍidāyavvaṃ jai tabbhe ārao annaṃ labbhejjaha |
gihaṃ vā''gayā tadā evaṃ ceva paḍidāyavvaṃ | taṃ puṇa kiṃ dijjai? daṃḍaparihāravajjaṃ colapaṭṭayaṃ paḍala pattābaṃdhā ee ṇa dijjaṃti | jaṃ parikhutthaṃ taṃ dijjai | kiṃ kāraṇaṃ dijjai? mā uḍāhaṃ kāhiṃti, ṇiraṇakaṃpā paosaṃvā āvajjihi tti eyapariharaṇatthaṃ dijjai | gamaṇaṃ nāma jattha te gihatthā vaccaṃti tattha vi gaṃtavvaṃ | jai na vaccaṃti :: 4 (caturlaghu) | tamhā gaṃtavvaṃ | chinnaṃ pi hu kappae ghettuṃ khaṃḍākhaṃḍaṃ pi kayaṃ gheppai, mā ahikaraṇaṃ hojja | asya vyākhyā -
dhoyassa va rattassa va, annassa va'giṇhaṇammi caulahugā | taṃ ceva ghettu dhouṃ, paribhuṃje juṇṇamujjhejjā ||2978||
"dhoyassa va0" gāhā | kaṇṭhyā | ageṇhaṇe akāralopo draṣṭavyaḥ | jai rattaṃ ghettuṃ khāreṇa dhoittā bhujjai, aha juṇṇaṃ to ubbhijjai, aha na geṇhaṃti :: (caturlaghu) |
saṭṭhāṇe aṇukaṃpā, saṃjaya paḍihārie nisiḍhe ya | asaīa tadubhae vā, jayaṇā paḍisatthamāīsu ||2979|| "saṭṭhāṇe0" gāhā | asya vyākhyā - na vivittā jattha muṇī, samaṇī ya gihī ya jattha uḍūḍhā | saṭṭhāṇa'ṇukaṃpa tahiṃ, samaṇuṇiyarāsu vi taheva ||2980||