Biha Kappa v1.p485

v1.p485

[saṃkhaḍipagayaṃ kappai gilāṇagaṭṭhā, saṃkhaḍigamaṇaṃ diyā va rāto vā | davvammi labbhamāṇe, guruuvadeso tti vattavvaṃ ||3190|| pudvi tā sakkhette, asaṃkhaḍī saṃkhaḍīsu vī jatati | paḍivasabhamalabbhaṃte, tā vaccati saṃkhaḍī jattha ||3191|| ujjeṃta ṇāyasaṃḍe, siddhasilādīṇa ceva jattāsu | sammatta bhāviesuṃ, ṇa huṃti micchattadosā u ||3192|| etesiṃ asaīe, itarīu vayaṃti tatthimā jataṇā | puṭṭho atikkamissaṃ, kuṇati va aṇṇāvadesaṃ tu ||3193|| tahiyaṃ puvvaṃ gaṃtuṃ, appovāsāsu ṭhāti vasahīsu | je ya avipakkadosā, ṇa ṇeti te tattha agilāṇe ||3194|| viṇā u obhāsita saṃthavehiṃ, jaṃ labbhatī tattha u joggadavvaṃ | gilāṇabhuttuvvariyaṃ tagaṃ tu, na bhuṃjamāṇā vi atikkamaṃti ||3195||
"kappai gilāṇa0" ["puṭviṃ tā" "ujjeṃta ṇāyasaṃḍe0" "etesiṃ0" "tahiyaṃ puvvaṃ0" "viṇā u0'"] gāhāsiddhameva | 'aṇṇāvadesaṃ tu' tti | sāvagādīhiṃ cattha ariṭṭhā kayā (?) taṃ nimittaṃ gacchāmo | avipakkadosā ṇāmaṃ je asamatthā ṇiggahe uṃ iṃdiyakasāyādīṇi, avikovitā vā davvālaṃbheṇa gayā | tattha jai uccūraṃ ceva labbhai to natthi gilāṇaṇimittaṃ obhāsaṇā | aha na labbhai obhāsaṃ tāe māṇapatte ya ṇivārayati | jai bhaṇaṃtikiṃ obhāsaṇā giṇhaha vā dijjamāṇaṃ? ucyate-'gurūvadeso tti vattavvaṃ' | guru vejjā, tassavadeseṇaṃ pattāmo, ettiyaṃ vā giṇhāmo | asya vyākhyā -
obhāsiyaṃ jaṃ tu gilāṇagaṭṭhā, taṃ māṇapattaṃ tu ṇivārayati | tubbhe va aṇṇe va jayā tu beṃti, bhuṃjettha to kappati ṇa'ṇṇahā tū ||3196|| diṇe diṇe dāhisi thova thovaṃ, dīhā ruyā teṇa ṇa gihimo'mhe | ṇa hāvayissāmo gilāṇagassā, tubbhe va tā giṇhaha giṇhaṇevaṃ ||3197||
"obhāsiyaṃ0" ["diṇe diṇe0'"] vṛttaṃ kaṇṭhyam | aṇobhaṭṭha gilāṇabhuttuvvariyaṃ bhuṃjamāṇā vi ṇātikkamaṃti | 'jaṃ gaṃ tu' tti jai evaṃ bhaṇai | evaṃ tāva asesa labbhamāṇe |
1. jayā tu muca |