Biha Kappa v1.p486

v1.p486

405 na vi labbhaī paveso, sādhūṇaṃ labbhaettha ajjāṇaṃ | vāvāraṇa parikiraṇā, paḍicchaṇā ceva ajjāṇaṃ ||3198|| [ni0] "na vi labbhai0" gāhā | purātanā | asya vyākhyā - alabbhamāṇe jatiṇaṃ pavese, aṃtepure ibbhagharesu vā vi | ujjāṇamāīsu va saṃṭhiyāṇaṃ, ajjāu kāriṃti jatippavesaṃ ||3199||
"alabbhāṇe0" vṛttaṃ kaṇṭhyam | aha na labhejja saṃjayāṇaṃ paveso, saṃjaīo labbhaṃti, tāhe saṃjaīo vā vārijjati, tāo paviṭṭhāo pannaveṃti-jahā ete mahātavassī, tāhe pacchā pavisaṃti | aha paveso na ceva labbhai tāhe gihatthehiṃ ṇīṇāveṃti | te puṇa ime -
purāṇamāīsu va ṇīṇaveṃti, gihatthabhāṇesu sayaṃ vā tāo |
āgārisaṃkāem̐ jaticcaehī, hiṭṭhovabhogehi a āṇaveṃtī ||3200||
"purāṇa" vṛttaṃ | te puṇa saṃjayabhāyaṇāhiṃ ṇīṇeti | jayā ṇa hojja ṇīṇetao aṃtarāvaṇaṃ āsiyāvetti vā | tāhe ajjāo gihatthabhāyaṇe hiṃ ṇīṇeti | 'agārisaṃkāe' tti akāramasyāstītyakārī | yathā chatramasyāstīti chatrī | aha gihatthāṇaṃ saṃkā-kiṃ etāo ṇīṇettā agārāṇa deṃti ? tāhe saṃjayāṇaṃ asaṃbhoiehiṃ bhāyaṇehiṃ ṇīṇeti | asaīe saṃbhoiehiṃ vi|
tesāmabhāvā ahavā vi saṃkā, giṇhaṃti bhāṇesu saesu tāo |
abhoibhāṇesu u tassa bhogo, gāratthi teseva ya bhogisū vā ||3201||
"tesāmabhāvā0" vṛttaṃ | pakaraṇāe vakkhāṇaṃ | pakaraṇā nāma aṇṇattha pajjovaṇā, teṣāṃ bhājanānāṃ abhāvo hojja | aha gihatthā jāṇejja-kiṃ saṃjayāṇaṃ deṃti aṇṇesiṃ vā ? evaṃ saṃkā| tāhe saṃjaīo appaṇaehiṃ bhāyaṇehiṃ āṇeūṇaṃ asaṃbhoiesu chubbhittā paribhuṃjai | 'tassa bhogo' tti tasyāhārasyetyarthaḥ | asai gihatthabhāyaṇesu bhuṃjai | asai saṃjaiccaehiṃ bhuṃjai | tāṇaṃ teṇaṃ lahuṃ kajjaṃ hojja | pacchā saṃbhoiehiṃ vi bhuṃjai gilāṇo | 'paḍicchaṇa'tti (gā0 3198) ajjiyāṇaṃ hatthāo paḍicchaṃti | evaṃ tāva gilāṇanimittaṃ vaccaṃti | ahavā imehiṃ kāraṇehiṃ gammejja -
addhāṇaniggayādī, pavisaṃtā vā vi ahava omammi | uvadhissa gahaṇa liṃpaṇa, bhāvammi ya taṃ pi jayaṇāe ||3202|| paviṭṭhakāmā va vihaṃ mahaṃtaṃ, viṇiggayā vā vi tato'dhavome | appāyaṇaṭṭhāya sarīragāṇaṃ, attā vayaṃtī khalu saṃkhaḍīo ||3203||