Biha Kappa v1.p84

v1.p84

bhāsagāhā-1086-1096] paḍhamo uddeso tattha vasai | ṇiveso ṇāma jattha sattho vā āvāsio| ādiggahaṇeṇaṃ gāmo vā annattha saṃpaṭṭhiyao jattha aṃtarā vāsaṃ karei, jattāe vā jattha logo gayao | jahā-sarassatīe | saṃbāho nāma jattha annattha kisittā vāṇijjaṃ vā karettā atthaṃ saṃvoḍhuṃ saṃvasaṃti taṃ saṃbāhaṃ bhaṇṇai | je ghosaṃ paḍhaṃti, ghosaṃ goulaṃ bhaṇṇai | annesiṃ aṃsiyā | aṃsiyā nāma gāmassa addhaṃ taiyaṃ cautthabhāgo [vā] jattha ṭhitillao | puḍhaveeṇaṃ pi kei paḍhaṃti | tattha gāhā -
nāṇādisāgayāṇaṃ, bhijjaṃti puḍā u jattha bhaṃḍāṇaṃ |
puḍabheyaṇaṃ tagaṃ saṃkaro ya kesiṃci kāyavvo ||1093||
"nāṇādisā0" gāhā | kaṇṭhyā | saṃkaro nāma eesiṃ gāmādīṇaṃ kiṃci gāmaṃ pi nagaraṃ pi kheḍaṃ pi evaṃ saha parikkheveṇaṃ saparikkhevaṃ | nāsya bāhirikā vidyata ityabāhirikam | esa suttattho|
iyāṇi ṇijjuttīe vitthārei tattha gāhā:nāmaṃ ṭhavaṇāgāmo, davvaggāmo ya bhūtagāmo ya |
āujjidiyagāmo, piu māu bhāvagāmo ya ||1094||[ni0]
"nāma ṭhavaṇā0" [gāhā] | nāmaṭhavaṇāo gayāo | davvagāmo jāṇayabhaviyasarīravairitto imo -
jīvā'jīvasamudao, gāmo ko kaṃ nao kahaṃ icche ? |
ādiṇayo'ṇegaviho, tivikappo aṃtimanao u ||1095|| [ni0]
"jīvā0" gāhā | jīvāṇamajīvāṇa ya samūho yaḥ so ya davvagāmo, naehiṃ maggijjai | ko ṇao kaṃ gāmaṃ icchai ? tattha āiṇao aṇegavidho, āiṇao nāma ṇegamo, aṃtimaṇao ṇāma saddo | so tiviho-saddo, samabhirūḍho, evaṃbhūto | tattha aṇegavihaṇegamāṇaṃ imāṇi patteyaṃ patteyaṃ aṇṇoṇṇaniravekkhāṇi vattavvāṇi bhavaṃti | taṃ jahā -
gāvo taṇāti sīmā, ārāmudapāṇa ceḍarūvāṇi | vāḍī ya vāṇamaṃtara, uggaha tatto ya āhipatī ||1096||[ni0]
"gāvo taṇāti0" gāhā | gāvo tti paḍhamaṇegamo bhaṇai | jāvatiyaṃ gāvīo cariuṃ vaccaṃti ettiyaṃ aṃtaraṃ savvo mama gāmo visuddhataro ṇegamo bhaṇati |
1. aṇṇe aṃsitaṃsi vā paḍhaṃti iti cūrṇikṛtaḥ | 2. puḍabhedeṇaṃ iti bhāvyam ? | 3. gāmo iti aba |