Biha Kappa v1.p85

v1.p85

[māsakappapagayaṃ gāvo vayaṃti dūraṃ, pi jaṃtu taṇa kaṭṭahāragādīyā | sūruṭṭhie gatā eṃti atthamaṃte tato gāmo ||1097|| parasīmaṃ pi vayaṃti hu, suddhataro bhaṇati jā sasīmā tu | ujjāṇa avattā vā, ukkīlatā u suddhayaro ||1098|| evaṃ visuddhanigamassa, vaiparikkhevaparivuḍo gāmo|| vavahārassa vi evaṃ, saṃgaho jahim̐ gāmasamavāo ||1099|| jaṃ vā paḍhama kāuṃ, sesaga gāmo nivissai sa gāmo|| taṃ deulaṃ sabhā vā, majjhima goṭṭho pavā vā vi ||1100|| ujjusuyassa nioo, patteyagharaṃ tu hoi ekkekkaṃ | uṭheti vasati va vaseṇa, jassa saddassa so gāmo ||1101||
"gāvo vayaṃti dūraṃ0' ["parasīmaṃ pi0" "evaṃ visuddha0" "jaṃ vā paḍhamaṃ0" ujjusuyassa0"] addhagāhā | gāvo dūramavi aṃtaraṃ gaṃtuṃ paḍieṃti so savvo tava gāmo, jamhā esa tava doso tamhā ṇa bhavati esa tava gāmo | ahaṃ bhaṇāmi-jattiyaṃ khettaṃ taṇahāraya-kaṭṭhahārayā gaṃtuṃ paḍieṃti, evaiyaṃ khettaṃ mama gāmo | visuddhataro bhaṇati – te sūre uṭhṭhie gatā, atthamaṃte eṃti so tava gāmo | kiṃ ca te parasīmaṃ pi vayaṃti tamhā ṇa bhavati ettio gāmo| ahaṃ bhaṇāmi – jāva appaṇiyā sīmā ettiyaṃ khettaṃ gāmo | visuddhataro bhaṇati – eyaṃ aittiyaṃ jāva ujjāṇaṃ ettiyaṃ gāmo, ārāmo ceva ujjāṇaṃ bhannati | visuddhataro bhaṇati aibahuyaṃ eyaṃ, ahaṃ bhaṇāmi jāva udapāṇaṃ ettiyaṃ khettaṃ gāmo | udapāṇaṃ nāma kūvo | visuddhataro bhaṇati – aibahuyaṃ eyaṃ, ahaṃ bhaṇāmi - jāvaiyaṃ khettaṃ avvatagāṇi ceḍarūvāṇi kīlaṃtāṇi gacchaṃti | visuddhataro bhaṇati – eyamavi aibahuyaṃ, ahaṃ bhaṇāmi – jāvaiyaṃ khettaṃ ukkilaṃto paraṃgitao ceḍarūvo gacchai evaiyaṃ khettaṃ gāmo bhavati | aṇṇo negamo bhava(na)ti – jāva vāḍī evaiyaṃ khettaṃ gāmo | evaṃ nāṇāchaṃdāṇaṃ negamāṇaṃ matāī vyapohitvā suddhassa negamassa vaiparikkhevo jāva tāvaiyaṃ khettaṃ gāmo | evaṃ vavahārassa vi
saṃgaho - jattha gāmellayajaṇassa samavāo bhavati taṃ gāmaṃ icchai | saṃgahiya piṃḍiyatthaṃ [saṃgahavayaṇaṃ samāsao beṃti ā0ni0 756] tti kāuṃ | taṃ puṇa devakulaṃ vā hojja, sabhā vā majjhimagoṭṭo vā pavā vā | jaṃ vā paḍhamaṃ sannivesettā devakulāī pacchā sesagāmo nivvissai, taṃ saṃgaho icchaḍ | ujjusuo patteyaṃ patteyaṃ ekkakkaṃ gharaṃ gāmaṃ icchati | gāmo tti vā niou tti vā egaṭuṃ| tiṇhaṃ saddanayāṇaṃ jassa vaseṇaṃ gāmo uṭṭei vā vasai vā taṃ gāmaṃ icchaṃti |