Biha Kappa v1.p92

v1.p92

11 ekkatīsaṃ divasā sattaṭṭhi bhāgā ahorattassa divasā' | ekkavīsottaraṃ ca sayaṃ cauvīsottarasayabhāgāṇaṃ | eesiṃ māsāṇaṃ karaṇagāhā -
jugamāsehiṃ u bhaie, jugammi laddhaṃ havejja nāyavvaṃ |
māsāṇaṃ paṃcaṇha vi eyaṃ rāiṃdiyapamāṇaṃ ||[ ] ayaṇaṃ tesītaṃ divasasayaṃ bhavati | be ayaṇā varisaṃ | taṃ ca tinni cchāsaṭṭhāṇi divasasayāṇi bhavaṃti | paṃca saṃvaccharā jugaṃ ti kāuṃ paṃcahi guṇie jāyaṃ aṭṭhārasadivasasayāṇi tīsāṇi | eesiṃ jugadivasāṇaṃ nakkhattamāse hiṃ sattaṭṭhīe bhāgo | jaṃ laddhaṃ tattiyā nakkhattamāsadivasā bhavaṃti | sattāvīsaṃ divasā ekkavīsaṃ ca sattaṭṭhi bhāgā divasassa | jugadivasāṇaṃ caṃdamāsehiṃ bāvaṭṭhīe bhāgo | jaṃ bhāvaladdhaṃ tattiyā caṃdamāsadivasā bhavaṃti | ekkūṇatīsaṃ divasā battīsaṃ ca bāsaṭṭhi bhāgā divasassa | jugadivasāṇaṃ kammamāsehiṃ egaṭṭhīe bhāgo, bhāgaladdhaṃ tīsaṃ divasā | jugadivasāṇaṃ sūramāsehiṃ saṭṭhīe bhāgo, bhāgaladdhaṃ sūramāsadivasā tīsaṃ divasaddhaṃ ca | jugadivasā terasaguṇā kāuṃ sattahi saehiṃ caucattālehiṃ bhāgo | laddhaṃ divasā abhivaḍḍiyamāsassa ekkatīsaṃ, aṃsagāṇa ya chavvīsottarāṇi sattasayāṇi | chedo sattasayāṇi coyālāṇi | ubhayoravi cchabhāgeṇovvaṭṭiyaṃ jāyaṃ ekkavīsottarasaya aṃsagayaṃ, chedo cauvīsottarasayaṃ ti | kālamāso gao|
idāṇiṃ bhāvamāso duviho-āgamato noāgamato ya | āgamato jāṇae uvautte | noāgamato je ime jīvā māsa-mūla-kaṃda-khaṃdhittāe kammāiṃ udinnāiṃ vedeti tti | iha puṇa kayareṇa māseṇa ahigāro? ucyate-kālamāseṇa, tattha vi uḍumāseṇaṃ | esa so māso, jo so “aparikkhevaṃsi abāhiriyāgaṃsi kappati niggaṃthāṇa vā niggaṃthīṇa vā māsaṃ vatthae"| [bṛ0 ka0 6] te ya niggaṃthā ime hojja -
jiṇa suddha ahālaṃde, gacche māso taheva ajjāṇaṃ | eesiṃ nāṇattaṃ, vocchāmi ahāṇupuvvīe ||1131||
“jiṇa suddha0" gāhā | jiṇakappiyā suddhaparihāriyā ahālaṃdiyā gacchavāsī ajjāo| gāhāe pacchaddhaṃ uccāriyasiddhaṃ | tattha jiṇakappiyaṃ paḍhamaṃ bhaṇai | tattha gāhā -
pavvajjā sikkhāpayamatthaggahaṇaṃ ca aniyao vāso | niṣphattī ya vihāro, sāmāyārī ṭhiī ceva ||1132||
1. divasā iti nāsti a ba | 2. paṃcahie a| 3. sattaehiṃ a| 4. saparikkhesi muca |