Biha Kappa v1.p93

v1.p93

[māsakappapagayaṃ "pavvajjā sikkhāpaya0" esa dāragāhā | paḍhamaṃ dāraṃ pavvajja tti | soccā'bhisameccā vā, pavvajjā abhisamāgamo tattha | jāissaraṇāīo, sanimittamanimittao vā vi ||1133||
["soccābhisameccā0"] kahaṃ ceva so pavvaio? ucyate-soccā va abhisameccā vā| tattha alpasvarataramiti kāuṃ abhisamāgamaṃ tāva paḍhama bhaṇṇati | so sanimittao vā animittao vā bhavati | sanimittao jahā baṃbhadatteṇaṃ jāī sariyā| citteṇa ya sukosaleṇa ya| animittio jassa evaṃ ceva jāīsaraṇaṃ bhavati | āiggahaṇeṇaṃ ohinnāṇeṇaṃ maṇapajjavavibbhaṃgāi | abhisamicca tti gayaṃ | idāṇiṃ suṇittā | kiṃ soccā ? ucyate -
soccā u hoi dhammaṃ, sa keriso keṇa vā kaheyavvo ? | ke tassa guṇā vuttā ?, dosā aṇuvāyakahaṇāe ||1134||
"soccā tu hoī dhamma0" gāhā | dhammaṃ souṃ pavvaejjā | so dhammo keriso? ucyate -
saṃsāradukkhamahaṇo, vibohao bhaviyapuṃḍarīyāṇaṃ | dhammo jiṇapannatto, pagappajaiṇā kaheyavvo ||1135||
"saṃsāradukkhamahaṇo, vibohao bhaviyapuṃḍariyāṇaṃ |” so ya jiṇehiṃ paṇṇattillao| saṃsāre dukkhaṃ saṃsāradukkhaṃ | so puṇa keriseṇaṃ puriseṇaṃ kaheyavvo? ucyate-pakappajaiṇā kaheyavvo| pakappajai nāma nisīhadhārao saṃviggo | āha–kiṃ kāraṇaṃ abhavie na bohei? ucyate -
jaha sūrassa pabhāvaṃ, daṭuṃ varakamalapoṃḍarīyāī|
bujjhaṃti udayakāle, tattha u kumudā na bujhaṃti ||1136|| "jaha sūrassa pabhāvaṃ0" gāhā | kaṇṭhyā | evaṃ bhavasiddhīyā, jiṇavarasūrassutippabhāveṇaṃ | bujjhaṃti bhaviyakamalā, abhaviyakumudā na bujjhaṃti ||1137||
"evaṃ bhavasiddhīyā0" gāhā | kaṇṭhyā | so ya dhammo uvāeṇa kaheyavvo, na aṇuvāeṇa| āha-ke tassa guṇā vuttā uvāyakahaṇe, dosā vā aṇuvāyakahaṇe? ucyate -