Biha Kappa v1.p97

v1.p97

[māsakappapagayaṃ āgāḍhakāraṇesuṃ', gurumādī te jayā na hohiṃti | taiyā kahaṃ nu kāhisi, jahā va so aṃdhalo thero ||1152|| "āgāḍhakāraṇesuṃ0" gāhā | kaṇṭhyā | ko so aṃdhalayathero ? aṭṭha suya thera aṃdhallagattaṇaṃ atthi me bahu acchī |
appaddaṇṇa palitte, ḍahaṇaṃ apasatthaga pasatthe ||1153||
"aṭṭhassu [ya] thera0" gāhā | ujjeṇī nagarī | tattha somilo ṇāma māhaṇo parivasai, so ya aṃdhalīhūo| tassa ya aṭṭha puttā, tesiṃ aṭṭha bhajjāo | so puttehi bhannai-acchīṇaṃ kiriyā kajjau | so paḍibhaṇai-tubbhaṃ aṭṭhaṇhaṃ puttāṇaṃ solasa acchīṇi, suṇhāṇa vi solasa, ee battīsaṃ, annassa ya pariyaṇassa jāṇi acchīṇi savvāṇi tāṇi mama, ete ceva bahuyā | annayā gharaṃ palittaṃ | tattha tehiṃ appaddannehiṃ so na cāio nīṇeuṃ | tattheva raḍaṃto daḍḍo | esa apasattho diṭuṃto| mā evaṃ ḍajjhihisi saṃsārakaṃtāre asubhakammehiṃ |
so imo pasattho uvaṇao | tattheva aṃdhalayathero | navaraṃ teṇaṃ kāriyā kiriyā | so ya māṇusayāṇaṃ bhogāṇaṃ ābhāgī jāo | evaṃ tuma pi paḍhittā kajjākajjaṃ jāṇittā saṃsārāo nittharihasi | taha vi so ṇecchai paḍhiuṃ, tāhe āyariyā bhaṇaṃti - paḍha ajjo ! mā eriso bhavāhi | kiṃ te na suo javo rāyā | ko so javo rāyā ? tattha gāhāo -
mā evamasaggāhaṃ, giṇhasu giṇhasu suyaṃ taiyacakṭuṃ | kiṃ vā tume'nilasuto, na ssuyapuvvo javo rāyā ||1154|| java rāya dīhapaṭṭho, sacivo putto ya gaddabho tassa | dhūtā aḍoliyā gaddabheṇa chūḍhā ya agaḍammi ||1155|| pavvayaṇaṃ ca nariṃde puṇarāgama'ḍolikhelaṇaṃ ceḍā | javapatthaṇaṃ kharassā, uvassao pharusasālāe ||1156|| 3jāsi esi puṇo ceva, pāsesu ṭiriṭṭillasi | lakkhio te mayā bhāvo, javaṃ patthesi gaddabhā ||1157||
1. kāraṇehiṃ muca | 2. āyariyāṇaṃ bhavaṃti a| 3. ādhāvasī padhāvasī, mamaṃ vā vi nirikkhasī | iti bhāṣyavṛttau gāthā | osakkasi ya aisakkasi ya bahuso ya paloesi | lakkhio te mayā bhāvo, javaṃ patthesi gaddabhā|| iti gāthā viśeṣacūrṇau |