Biha Kappa v1.p96

v1.p96

jaha ṇhāuttiṇṇa gao, bahuataraṃ reṇuyaṃ chubhai aṃge|
suṭṭa vi ujjamamāṇo, taha aṇṇāṇī malaṃ ciṇai ||1147||
["jaha0"] jahā gao malāpakarṣanārtham ṇhāittā uttiṇṇo samāṇo bahutaraṃ paṃsu lāei | evaṃ tamaṃ pi kammanigghāyanimittaṃ pavvaio viṇā saeṇaṃ
'aṇṇāṇī kiṃ karissai, kiṃ vā ṇāhī ccheyapāvayaṃ' ti vacanāt [dasa0 4-10] | pavayaṇiviruddhāṇi ayāṇaṃto' bahutaraṃ kammaṃ uvaciṇihisi | jahā so gare |
jaṃ silipada nidāyati, taṃ lāeti calaṇehiṃ bhūmīe | evamasaṃjamapaṃke, caraṇasaī lāi amuṇito ||1148||
"jaṃ silipada0" gāhā | ahavā imo silīpaīdiluto | silīpaī nāma jassa rogeṇa pāyā sujhaṃti vaḍā bhavaṃti, so silipaī chettaṃ ṇiyāyaṃto ṇiddiṇaṃti tti bhaṇiyaṃ hoi | thovataraṃ niddiṇai bahutaraṃ sassaṃ pāesu lāeī camaḍhei ya | evaṃ caritta sassaṃ, aṇṇāṇi assaṃjamakaddame lāei | saī nāmaṃ sassaṃ|
idāṇiṃ āuradiṭuṃto taio | sisso bhaṇai -
bhaṇai jahā rogatto, pucchati vejjaṃ na saṃghiyaṃ paḍhai | iya kammāmayavejje, pucchiya tujjhe karissāmi ||1149|| "bhaṇai jahārogatto0" gāhā uccāriyasiddhā | āyario paḍibhaṇai - bhaṇṇai na so sayaṃ ciya, kareti kiriyaṃ apucchium̐ rogī| nāyavvo ahigāro, tumaṃ pi nāuṃ tahā kuṇasu ||1150|| "bhannai na so sayaṃ ciya0" gāhā | kaṇṭhyā | evaṃ āyarieṇa bhaṇie, sisso puṇo bhaṇai - dūre tassa tigicchī, āurapucchā u jujjae teṇaṃ |
sārehiti sahīṇā, gurumādi jato na'hijjāmi ||1151|| "dūre tassa0" gāhā | kaṇṭhyā | ettha āyario paḍibhaṇai -
1. āyaraṃto iti cūrṇivṛttisammataḥ pāṭhaḥ | 2. silipaī muca |