Biha Kappa v2.p110

v2.p110

āgaṃtu tadubbhūyā, sattā'jhusire vi giṇhituṃ dukkhaṃ | aha ujjhati to maraṇaṃ, salomaṇillomacammeyaṃ ||3812|| bhāro bhaya paritāvaṇa, māraṇa ahikaraṇameva avidiṇṇe | titthayaragaṇaharehi, satikaraṇaṃ bhuttabhogīṇaṃ ||3813|| jai tā acetaṇammi, ayiṇe phariso u eriso hoti | kimayā sacetaṇammi, purise phariso u gamaṇādī ||3814||
"āgaṃtu0" [“bhāro0" "jai tā0"] gāhā | tadubbhūto paṇayo sesaṃ kaṇṭhyam | satikaraṇaṃ bhuttaabhuttabhogīṇaṃ jati tāva eyassa aceyaṇassa eriso phāso kimaṃga puṇa ceyaṇassa? karaṇaṃ nāma saṃkuḍitacammeṇa mehuṇakammaṃ karejja |
bitiyapada kāraṇammi, cammuvvalaṇaṃ tu hoti ṇillomaṃ |
āgāḍha kāraṇammi, camma salomaṃ pi jataṇāe ||3815|| "biiyapaya0" gāhā| uḍḍammi vātammi dhaṇuggahe vā, arisāsu sūle va vimoite vā | egaṃgasavvaṃgagae va vāte, abbhaṃgitā ciṭṭhati camma'lome ||3816||
"ummi vātammi0" vṛttam | ūrdhvaṃ vāto bhavati, dhaṇuggaho khujjīkarei 'vimoite 'ti khuitaṃ satthāṇāo hatthādī |
taracchacammaṃ aṇilāmaissa, kaḍiṃ va veāti jahiṃ va vāto | eraṃḍa'ṇeraṃḍasuṇeṇa ḍakvaṃ, veḍheṃti soviṃti va dīvicamme ||3817|| puyā va ghassaṃti aṇatthuyammi, pāsā va ghassaṃti va theriyāe | lohāramādīdivasovabhutte, lomāṇi kāuṃ aha saṃpihaṃti ||3818|| divase divase va dullabhe, uccattā ghettuṃ tamāiṇaṃ | lomehiṃ uṇa saṃvijoae, mauaṭṭhā va na te samuddhare ||3819||
"taraccha0" ["puyā va0" "divase divase0"] gāhātrayaṃ kaṇṭhyam | 'adhe 'tti romāṇi heṭṭhā kareṃti, uccattāe vā ghettuṃ 'saṃvijojae' tti lomāṇi ukkhaṇe mauaṭṭhāe vā ukkhaṇejjā vi| sesaṃ kaṇṭhyam | suttaṃ