Biha Kappa v2.p111

v2.p111

[cammapagayaṃ [suttaṃ] kappai niggaṃthāṇaṃ salomāiṃ cammāṇi ahiṭṭittae, se vi ya paribhutte no ceva ṇaṃ aparibhutte, se vi ya paḍihārie no ceva ṇaṃ appaḍihārie, se vi ya egarāīe no ceva ṇaṃ aṇegarāīe ||3-4||
"kappai niggaṃthāṇaṃ salomāiṃ cammāṇi ahidvittae0" etaṃ niggaṃthāṇaṃ avavāiyaṃ suttaṃ | āha śiṣyaḥ - ṇiggaṃthīṇaṃ ṇa kappati niggaṃthāṇaṃ kappai, kiṃ kāraṇaṃ ? ata ucyate
dosā tu je hoṃti tavassiṇīṇaṃ, lomāiṇe te ṇa jatīṇa tammi | taṃ kappatī tesi sutovadesā, jaṃ kappatī tāsi na taṃ jatīṇaṃ ||3820|| niggaṃthāṇa salomaṃ, na kappatī jhusira taṃ tu paṃcavihaṃ | potthagataṇapaṇa dūsaṃ, duvihaṃ cammammi paṇagaṃ ca ||3821|| gaṃḍī kacchati muṭṭhī, chivāḍi saṃpuḍaga potthagā paṃca | tiṇa sālivīhikoddavarālagaāraṇagataṇaṃ ca ||3822|| koyava pāvāraga dāḍhi āli pūrī tadheva viralī ya | eyaṃ dupehapaṇayaṃ, iṇamaṇṇaṃ apaḍilehāṇaṃ ||3823|| uvahāṇa tūli āliṃgaṇī u gaṃḍovahāṇa ya masūrā | gomāhisaayaelagaraṇamiyāṇaṃ ca cammaṃ tu ||3824||
"dosā u0" ["niggaṃthāṇa." "gaṃḍī kacchati0" "koyava0" "uvahāṇa."] vṛttam | cammaṃ ti vā ayiṇaṃ ti vā egaṭuṃ | sutovaeseṇaṃ niggaṃthāṇaṃ ṇa kappai | 'jaṃ kappati tāsiṃ' ti jaṃ ṇiggaṃthīṇaṃ sutovaeseṇa kappati taṃ ṇiggaṃthāṇaṃ kappati yasmādapavādikaṃ sūtram ato ussaggeṇa ṇa kappati salomaṃ jhusiraṃ ti kāuṃ| taṃ paṃcavihaṃ jhusiraṃ–potthayapaṇayaṃ, taṇapaṇayaṃ, dūsapaṇayaṃ duvihaṃappaḍilehitadūsapaṇayaṃ duppaḍilehitadūsapaṇayaṃ ca, cammapaṇagaṃ | etesiṃ paṇṇavaṇā gāhoktā |
ṇavaraṃ taṇapaṇayaṃ sālitaṇā vīhigataṇā koddavataṇā āraṇṇagataṇaṃ ca | viralī nāma aṃkolliyasarisī āliṃgaṇiṃ gaṃḍovahāṇiyāo mahallatarī | sesaṃ kaṇṭhyam |
jahiṃ gurugā tahiṃ lahugā, jahiṃ lahugā caugurū tahiṃ ṭhāṇe | dohiṃ lahū kālagurū, tavagurugā dohi vī gurugā ||3825||