Biha Kappa v2.p116

v2.p116

525 ya paṃcarāiṃdiyāṇi | 'sakala' tti sakalakasiṇe mukkakhalae ya māsalahuṃ | vaṇṇakasiṇe pamāṇakasiṇe dupuḍāisu uvāhaṇāsu pūrapunnāsu ya caulahugā |
addhe samatta khallaga, vagguri khapusā ya addhajaṃghā ya |
gurugā dohi visiṭṭhā, vaggurie aṇṇataraeṇaṃ ||3854||
"addhe sammatta khallaga0" gāhā| addhakhallailovāhaṇāsu, samattakhallailovāhaṇāsu ya, khavasāsu, addhajaṃgha samattajaṃghā do vi ekkaṃ, etesu causu vi caugurugā tavakālavisesitā | vaggurīe caugurugā, annataragurugaṃ taveṇa kāleṇa vā |
jattiyamittā vārā, tu baṃdhate muṃcate va jati vārā | saṭṭhāṇaṃ tati vāre, hoti vivaḍḍī ya pacchitte ||3855||
"jattiya0" gāhā | saṭṭhāṇaṃ ṇāma jattha paṃcarāiṃdiyāṇi | evaṃ māsalahugaṃ pi caulahugaṃ pi caugurugaṃ pi| vivaḍḍī ṇāma ekkakke āṇādī vibhāsā | saṃjamavirāhaṇā ya chakkāya causu lahugā vibhāsā | āyavirāhaṇā-babbhe chiṇṇe paṃkhulejja pamattaṃ vā devayā chalejjā | ime ya dosā -
gavvo ṇimmadavatā, ṇiravekkho niddato ṇiraṃtaratā | bhūtāṇaṃ uvaghāto, kasiṇe cammammi chaddosā ||3856|| āsagatā hatthigato, gavvijjai bhūmito ya kamaṇillo | pādo u samāukko, kamaṇīu kharā avi ya bhāro ||3857|| kaṃṭāī dehaṃto, jīve vi ha so taheva dehijjā | atthi mahaṃ ti ya kamaṇī, ṇāvekkhai kaṃṭaeṇa jie ||3858|| puci adayā bhūesu hoti baṃdhati kamesu to kamaṇī | jāyati hu tadabbhāsā, sudayālussāvi ṇiddayayā ||3859|| aviyaṃḍabakhujjapādeṇa pellito aṃtaraṃgulagato vā | muccejja kuliṃgādī, ṇa ya kamaṇīpellito jiyatī ||3860|| kiha bhūyāṇuvaghāto, ṇa hohitī pagatipelavataṇūṇaṃ | sabharāhi pelliyāṇaṃ, kakkhaḍaphāsāhiṃ kamaṇīhi ||3861|| viha atarā'sahu saṃbhama, koṭṭhā'risa cakkhu dubbale bāle | ajjā kāraṇajāte, kasiṇaggahaṇaṃ aṇuṇṇāyaṃ ||3862||