Biha Kappa v2.p117

v2.p117

[cammapagayaṃ kaṃṭā'hi sīyarakkhaṭutā vihe khavusamādi jā gahaṇaṃ | osahapāṇa gilāṇe, ahuṇuṭṭhiyabhesayaṭṭhā vā ||3863|| arisillassa va arisā, mā khubbhe teṇa baṃdhate kamaṇī | asahumavaṃtāharaṇaṃ, pādo ghaṭṭo tu giridese ||3864|| kuṭṭhissa sakkarādīhi vā vi bhiṇṇo kamo madhūlā vā | bālo asaṃpharo puṇa, ajjā vihi docca pāsādī ||3865||
"gavvo0" ["āsagatā0" "kaṃṭāī0" "puṭvi0""avi0" "kiha0" "viha atarā0" "kaṃṭāhi0" "arisillassa0" "kuṭṭhissa0"] gāhā | esā gāhāhiṃ ceva vakkhāṇasiddhā | kamaṇī uvāhaṇā, tanuḥ śarīraṃ bīyapae geṇhejjā vi | “addhāṇe0" dāragāhā | etīse gāhāhi ceva vakkhāṇaṃ | ṇavaraṃ osahapītassa vejjovadeseṇaṃ pāo bhūmiṃ na uyareyavvo tti | 'bhesayaṭṭhā vā' tti, cakkhudubbalo so tassa vejjeṇaṃ uvaeso kao - mā pāe bhūmī kāhisi tti | ūsarādīsu vā 'asahu avaṃtāharaṇaṃ'1 jahā koi rāyā va rāyamacco vā jahā ya avaṃtisukumālo jattha ṭhavei pāyaṃ tattha ruhiraṃ galati | mahūlā=pāesu phoḍayā, ṇakkhatiyā u vālā jattha vā tattha pāe cubhaṃti | vihe vaccaṃtāṇaṃ paṃthe doccā jāyā | tāhe uppaheṇaṃ gacchejjā tattha uppaheṇaṃ ajjāto ṇa sakkaṃti aṇuvāhaṇāre gaṃtuṃ |
idāṇiṃ kāraṇaṃ -
kulamāikajjaṃ daṃḍiya, pāsādī turiya dhāvaṇaṭṭhā vā | kāraṇa jāte va'ṇṇe, sāgāramasāgare jataṇā ||3866||
"kula0" gāhā | kula-gaṇa-saṃghakajjesu vā daṃḍio ulaggijjati jāva kajjaṃ kareti, tattha pāseṇaṃ purao vā gammati, tattha aṇuvāhaṇehi na sakkai gaṃtuṃ, tattha ya turiyaṃ gammati saṇiyaṃ gammamāṇe kaṃṭagāī suhaṃ rakkhijjaṃti, taritaṃ gammamāṇe ṇa sakkaṃti, paraṃ uvāhaṇāhi sakkai| vraṇaṭṭha ttire kassai pāo bhaddosio hojjā, tāhe mā aṇṇesiṃ saṃkamissati tattha u khapusāhijjati etehiṃ kāraṇehiṃ kasiṇaṃ aṇuṇṇāyaṃ | vaṇṇakasiṇaṃ jattha tattha -
paṃcavihammi vi kasiṇe, kiṇhaggahaṇaṃ tu paḍhamato kujjā | kiṇhammi asaṃtammi, vivaṇṇakasiṇaṃ tahiṃ kujjā ||3867|| 1. asahumavaṃtāharaṇaṃ - muca | 2. aṇuvāhaṇāe - ka | 3. dhāvaṇaṭṭhā tti - iti bhāvyam ?
saṃ. |