Biha Kappa v2.p119

v2.p119

[cammapagayaṃ akasiṇaṃ tivihaṃ hoti', egapuḍa vivaṇṇa egabaṃdhaṃ ca || taṃ kāraṇammi kappati, nikkāraṇa dhāraṇe lahuo ||3873|| [ ni0]
"akasiṇa tivihaṃ hoti." gāhā | akasiṇaṃ tivihaṃ ṇāyavvaṃ | egapuḍaṃ, vivaṇṇaṃ, egabaṃdhaṇaṃ ti | taṃ puṇa kāraṇe kappati bitiyapade ityarthaḥ | atrāha codaka: - jati bitiyapaeṇaṃ gheppati akasiṇaṃ to mama maeṇaṃ, imaṃ vihāṇaṃ akasiṇassa, yattadasmādupadiṣṭara 'akasiṇa maṭṭhārasigaṃ dosu vi pāesu do khaṃḍā' (3846) |3, etasmin sūtre atra codagavacanaṃ maṃtavyam | 'dosu vi pāesu do khaṃḍā' etadācāryavacanaṃ | imaṃ codakavayaṇaṃ
jati akasiṇassa gahaṇaṃ, bhāe kāuṃ kameṇa aṭṭhadasa | egapuḍavivaṇṇehi ya, tahiṃ tahiṃ baṃdhate kajje ||3874||
"jai akasiṇassa0" gāhā | tassa egapuḍassa vivaṇṇassa ya baṃdhaṇaṃ paḍucca aṭṭhārasaviho baṃdho imo
paṃcaṃgula patteyaṃ, aṃguṭṭhamajhe ya cha8 khaṃḍaṃ tu ||
sattamamaggatalammī, majjhaṭṭhama paṇhiyā ṇavamaṃ ||3875||
"paṃcaṃgula0" gāhā | egassa pāyassa paṃcaṇhaṃgulīṇaṃ pihappihaṃ egamegaṃ khaṃḍaṃ baṃdhati, aṃguṭṭhassa ya heṭṭhā chaṭuṃ, sattamaṃ khaṃḍaṃ aggatale, aṭṭhamaṃ khaṃḍaṃ majjhe talassa, ṇavamo paṇhiyā heṭṭhā, evaṃ bītiya- pāyassa vi | ete aṭṭhārasa | evaṃ codageṇa bhaṇite āyario bhaṇati
evatiyāṇaṃ gahaṇe, māso muccaṃti hoti palimaṃtho | bitiyapada gheppamāṇe, do khaṃḍā majjhapaḍibaṃdhā ||3876|| "muccaṃte palimaṃtho0" gāhā | etīse vakkhāṇagāhā - paḍilehā palimaṃtho, ṇadimādudae ya muṃcabaṃdhate | satthaphiḍaṇeṇa teṇā, aṃtaravedho ya ḍaṃkaṇatā ||3877||
"paḍilehā palimaṃtho0" gāhā | jāva paḍilehei muyai ya tāva sattheṇa chaḍḍijjati aṃtaraveheṇa kaṃṭagādīhiṃ āyavirāhaṇā | jamhā ete dosā tamhā ekakasiṇaṃ ceva taṃ na bhavati | imaṃ akasiṇaṃ, bitiyapada(de) gheppamāṇe do khaṃḍā majjha paḍibaddhā | jati aṃgulī dukkhati
1. akasiṇamaṭṭhārasagaṃ - muca | 2. yattadastāvadupadiṣṭaṃ - a i | yattadadhastādupadiṣṭaṃ - iti bhāvyam | 3. pāsesu khaṃḍāī - muca | 4. evaiyāṇaṃ gahaṇe - muca |