Biha Kappa v2.p118

v2.p118

527 "paṃcavihammi0" gāhā | paṃcavihe vaṇṇakasiṇe kiṇhaṃ geṇhati, ṇa u lohitāī | asati lohitāī pi vivannaṃ karejja | jahā so lohito vivanno bhavati ūsāīhi mā rāgo hohiti mā vā jaṇo uḍḍāhīhi tti |
kiṇhaṃ pi geṇhamāṇo, jhusiraggahaṇaṃ tu vajjae sāhū | bahubaṃdhaṇakasiṇaṃ puṇa, vajjeyavvaṃ payatteṇaṃ ||3868|| "kiṇhaṃ pi0" gāhā | kaṇṭhyā | dorehi va vajhehi va, duvihaṃ tivihaṃ va baṃdhaṇaṃ tassa |
aṇumodaṇa kārāvaṇa, puvvakatammi adhīkāro ||3869||
"dorehi va0" gāhā | tivihaṃ baṃdhaṇaṃ aṇuṇṇāyaṃ | baṃdhaṇakasiṇaṃ te puṇa kutra kutra ? doṇṇi vā tiṇṇi vā baṃdhā ? ata ucyate
khalue' ego baṃdho, ego paṃcaṃgulassa doṇṇete |
khulae ego aṃguṭṭha bitiya cauraṃgule tatito ||3870||
"khalue0" gāhā | kaṇṭhyā | 'aṇumoyaṇa kārāvaṇa puvvakayammi ahīkāro' tti ṇa vahai sayaṃ kāuṃ, ṇa ya kāravelaṃ, kareṃtaṃ vā aṇumodituṃ | eyāṇi kareti imaṃ pacchittaṃ
sayakaraṇe caulahugā, parakaraṇe māsiyaṃ aṇugghāyaṃ || aṇumodaṇe vi lahuo, tattha vi āṇādiṇo dosā ||3871||
"sayakaraṇe0" gāhā | kaṇṭhyā | āṇādī dosā, uḍḍāho, cammakāro tti saṃbhāvijjejja, alaṃbhe aṇumoejja | asati appaṇā vi jayaṇāe karejja |
[suttaṃ]-kappati niggaṃthāṇa vā niggaṃthīṇa vā akasiṇāī cammāiṃ dhārittae vā pariharittae vā ||3-6||
avavāiyaṃ(e)sure, ussaggeṇa puṇaakasiṇacammaggahaṇe, lahuo māso u dosa āṇādī | bitiyapada gheppamāṇe, aṭṭhārasa jāva ukkosā ||3872|| "akasiṇacammaggahaṇe0" gāhā | asya vyākhyā
1. khulae - muca | 2. avavāiyaṃ suttaṃ iti bhāvyam ?