Biha Kappa v2.p122

v2.p122

duvihaṃ ca bhāvakisaṇaṃ, vaṇṇajutaṃ ceva hoti mollajuyaṃ | vaṇṇajuyaṃ paṃcavihaṃ, tivihaṃ puṇa hoi mollajutaṃ ||3886|| paṃcaṇhaṃ vaṇṇāṇaṃ, aṇṇatarāeṇa jaṃ tu vaṇṇahūm̐ | taṃ vaṇṇajuyaṃ kasiṇaṃ, jahaṇṇayaṃ majjhimukkosaṃ ||3887|| cāummāsukkose, māsā majjhe ya paṃca ya jahaṇaṇe | tivihammi vi vatthammi, tividhā ārovaṇā bhaṇitā ||3888|| davvāitivihakasiṇe, esā ārovaṇā bhave tivihā | eseva vaṇṇakasiṇe, cauro lahugā va tividhe vi ||3889|| mullajuyaṃ pi ya tivihaṃ, jahaṇṇagaṃ majjhimaṃ ca ukkosaṃ |
jahaṇaṇeṇa'ṭṭhārasagaṃ, satasāhassaṃ ca ukkosaṃ ||3890||
“vitthārā0" ["jaṃ vattha0" "jaṃ vattha0" "duvihaṃ ca0" "paṃcaṇhaṃ." "cāummāsu0" "davvāi0" "mullajuyaṃ0"] gāhā | kaṇṭhyā | sesāo gāhāo kaṃṭhāo | kayareṇaṃ puṇa pamāṇeṇaṃ? jahaṇṇayaṃ aṭṭhārasa mullaṃ, ukkosayaṃ sayasahassaṃ, majjhe majjhaṃ | ata ucyate
do sābharayā dīviccagā tu so uttarāpathe ekko |
do uttarāpahā puṇa, pāḍaliputto havati ekko ||3891||
"do sābharayā0" gāhā | sābharago ṇāma rūvago | do rūvagā dīvivaccagā | ekko uttarāpahago rūvago bhavati | do uttarāpathagā ego pāḍaliputtago | ahavā imaṃ -
do dakkhiṇāvahā tū, kaṃcīe ṇelao sa duguṇo ya | ego kusumanagarago, teṇa pamāṇaṃ imaṃ hoti ||3892||
"do dakkhiṇāvahā0" gāhā | do dakkhiṇāpahagā, ego kāṃcivisae ṇelago tti bhaṇṇati | so duguṇo pāḍaliputtao ego ruyao| eeṇaṃ pramāṇeṇaṃ | imeṇaṃ parimāṇeṇaṃ giṇhaṃtassa imaṃ pacchittaṃ
aṭṭhārasa vīsā yā, aguṇāpaṇṇā ya paṃca ya sayāiṃ | egūṇagaṃ sahassaṃ, dasa paṇṇāsaṃ satasahassaṃ ||3893|| cattāri chacca lahu guru, chedo mūlaṃ ca hoi boddhavvaṃ | aṇavaṭhṭhappo ya tahā, pāvati pāraṃciyaṃ ṭhāṇaṃ ||3894||