Biha Kappa v2.p130

v2.p130

io usa
āhacca hiṃsā samitassa jā tū, sā davvato hoti ṇa bhāvato u | bhāveṇa hiṃsā tu asaṃjatassā, je vā vi satte ṇa sadā vadheti || 3933|| saṃpatti tasseva jadā bhavijjā, sā davvahiṃsā khalu bhāvato ya | ajjhatthasuddhassa jadā ṇa hojjā, vadheṇa jogo duhato va hiṃsā || 3934|| 'āhacca hiṃsā samiyassa jā tū0" [ " saṃpatti 0" ] vṛttadvayaṃ kaṇṭhyam |
rāgo ya doso ya taheva moho, te baṃdhahetū tu tao vi jāṇe | ṇāṇattagaṃ tesi jadhā ya hoti, jāṇāhi baṃdhassa tahā visesaṃ || 3935|| “rāgo ya0” vṛttaṃ kaṇṭhyam | ko puṇa viseso ?
44
tivve maṃde ṇātamaṇāe bhāvādhikaraṇa virie ya | jaha dīsati ṇāṇattaṃ, taha jāṇasu kammabaṃdhe vi ||3936||
" tivve0 " dāragāhā | tivva-maṃdā do vi egagāhāe vakkhāti
tivvehi hoti tivvo, rāgādīehiṃ uvacao kamme | maṃdehi hoti maṃdo, majjhimapariṇāmato majjho ||3937|| " tivvehi0 " gāhā | kaṇṭhyā | nāyamaṇāe tti dvāraṃ
jāṇaṃ kareti ekko, hiṃsamajāṇamaparo avirato ya | tattha vi baṃdhaviseso, mahaṃtaraṃ desito samae || 3938 ||
539
" jāṇaṃ kareti 0 " gāhā | avirato hoṃtao jāṇaṃto hiṃsaṃ kareti saṃcityetyarthaḥ | anno aviratao ceva ayāṇaṃto hiṃsaṃ kareti asaṃcityetyarthaḥ | jāṇate bahuataraṃ ayāṇaṃte appataro |
virato puṇa jo jāṇaṃ, kuṇati ajāṇaṃ va appamatto vā | tattha vi ajjhatthasamā, saṃjāyati nijjarā ṇa cayo ||3939||
" virato puṇa0 " gāhā | virao hoṃtao jāṇaṃto hiṃsaṃ kareti, anno virato va ayāṇaṃto hiṃsaṃ kareti, uvayutto eso evaṃ appamatto tti | tassa ajjhatthasamā saṃjāti ṇijjara' tti | ajjhatthaṃ ṇāma manogatamityarthaḥ | samā iti pariṇāmo tassa mā ṇijjarā ṇa cayo ttiṇa puṇa tassa kammabaṃdho bhavati | suviṭṭhāṇesu tivvādisu, so puṇa virao hoṃtao kiṃ jāṇaṃto hiṃsaṃ kareti ? ucyate - davvāisu āgāḍhesu | apiśabdāt avirato vi jo jāṇaṃto hiṃsaṃ kareti tivvāipariṇāmo tatsamo kammabaṃdho bhavati tivveṇaṃ bahuo, maṃdeṇa maṃdo, majjheṇa majjho |