Biha Kappa v2.p131

v2.p131

[bhiṇṇābhiṇṇavatthapagayaṃ ego khaovasamie, vaṭṭati bhāve'varo u odaie | tattha vi baṃdhaviseso, saṃjāyati bhāvaṇāṇattā ||3940|| emeva ovasamie, khaovasamie taheva khaie ya | baṃdhā'baṃdhaviseso, ṇa tullabaṃdhā ya je baṃdhī ||3941||
“ego khavovasamie0" [ “emeva ovasamie0"] gāhādvayaṃ kaṇṭhyam | je baṃdhī je bandhinaḥ na teṣāṃ tulyā bandhanā | 'adhikaraṇe' tti |
adhikaraṇaṃ puvvuttaṃ, cauvvihaṃ taṃ samāsao duvihaṃ | ṇivvattaṇatāe vā, saṃjoge ceva'ṇegavihaṃ ||3942|| ego kareti parasuṃ, ṇivvatteti ṇakhachedaṇaṃ avaro | kuṃtakaṇage ya vejjhe, āriya sūī a avaro u ||3943|| suīsuṃ pi viseso, kāraṇasūīsu sivvaṇīsuṃ ca | saṃgāmiya pariyāṇiya, emeva ya jāṇamādīsu ||3944|| kāragakareṃtagāṇaṃ, adhikaraṇaṃ ceva taṃ tahā kuṇati | jaha pariṇāmaviseso, saṃjāyati tesu vatthūsu ||3945|| saṃjoyayate kūḍaṃ, halaṃ paḍaṃ osahe ya aṇṇoṇṇe | bhoyaṇavihiṃ ca aṇṇe, tattha vi ṇāṇattagaṃ bahuhā ||3946|| ṇivvattaṇā ya saṃjoyaṇā ya sagaḍāiesu a bhavaṃti |
āsajjuttarakaraṇaṃ, nivvattī mūlakaraṇaṃ tu ||3947||
“adhikaraṇaṃ puvvuttaṃ0" ["ego kareti0" "suīsuṃ0" "kāraga0" "saṃjoyayate0" "nivvattaṇā"] gāhāo| 'vejjhe' tti vejjhe ekkekko tū kaṇagaṃ ṇivvate tti, ekko āyariya sūyī, āriyasūyikāraṇa sūyittaṇahesu khoḍijjaṃti, ekko saṃgāmiyaṃ rahaṃ nivvatteī, ekko pāriyāṇiyaṃ baṃdhaviseso bhavati adhikaraṇāṇi parasumādīṇi | sesaṃ kaṇṭhyam |
vīrie tti asya vyākhyādehabalaṃ khalu viriyaṃ, balasariso ceva hoti pariṇāmo | āsajja dehaviriyaṃ, chaṭṭhāṇagatā tu savvatto ||3948||