Biha Kappa v2.p14

v2.p14

siribhaddabāhusūriraiyaṃ || kappasuyaṃ || ( bhāsavisesacuṇṇisahiyaṃ ) || bīo uddeo || || uvassayapagayaṃ ||
[suttaṃ] uvassayassa aṃtovagaḍāe sālīṇi vā vīhīṇi vā muggāṇi vā māsāṇi vā tilāṇi vā kulatthāṇi vā gohūmāṇi vā javāṇi vā javajavāṇi vā ukkhittāṇi vā vikkhittāṇi vā vikinnāṇi vā vippakinnāṇi vā, no kappai niggaṃthāṇa vā niggaṃthīṇa vā ahālaṃdamavi vatthae ||2-1||
uddesābhisambandho—
erisae khettammī, uvassae kerisammi vasitavvaṃ ? | puvvuttadosarahite, bīyādijaḍhesa saṃbaṃdho || 3290|| ahavā paḍhame suttammi palaṃbā vaṇṇiyā ṇa bhottavvā | siṃ ci rakkhaṭṭā, tassahavāsaṃ nivāreti || 3291|| avi ya aṇaṃtarasutte, uvassato adhikato ṇisiṃ jattha | samaṇāṇa na niggaṃtuṃ, kappati aha teṇa jogo u || 3292 ||
77 44
" erisae khettammī uvassae0" ["ahavā paḍhame0 ' 'avi ya0 " ] gāhāo tinni kaṇṭhāo | eeṇābhisambandhena imaṃ suttamāgataṃ "uvassagassa aṃtovagaḍāe0 "1 suttaṃ uccāreyavvaṃ |
upetya yatrāśrayaṃ gacchanti sa upāśrayaḥ uvasaggo tti vā egadvaṃ | tassa uvassayassa aṃtovagaḍāe, vagaḍā ṇāma vatiparikkheo | abhyaṃtaragrahaṇena nivesaṇavagaḍā uvassayavagaḍā
1. aṃtoavagaḍāe a ba ka ḍa i |