Biha Kappa v2.p15

v2.p15

[uvassayapagayaṃ adhikṛtā | uvassayassa abbhaṃtare aṃgaṇe vā | sālīṇi vā vīhīṇi vā| vā vibhāṣāvikalpeṣu | vāśabdo yavakādivihīsesāṇi sūyayati | ukkhinnāṇi nāma vannarāsī bhinnā asamattā asakalā ityarthaḥ | vikkhinnāṇi ṇāma te ceva dhannarāsī bhinnellayā egato saṃbaddhā | vitikinnā nāma tāṇi savvāṇi dhaṇṇāṇi egao miliyāṇi | vippakinnāṇi nāma jahā pupphovakāro kao | evetesu causu vi pagāresu ṇo kappai niggaṃthāṇa vā niggaṃthīṇa vā | na iti niṣedhe draṣṭavyaḥ kiṃ paḍisehei? sabīe uvassae vāsaṃ | athetyayaṃ nipāta: laṃda iti kālasyā''khyā | taṃ ca ahālaṃdaṃ tivihaṃukkosaṃ majjhimaṃ jahannaṃ | ukkosaṃ paṃca rāiṃdiyāṇi, jahannayaṃ jāva udaullo hattho visuyāi, ettha jaṃ aṃtarā taṃ majjhimagaṃ | ettha majjhimajahannehiṃ suttaṃ nipatati | etesu uvassaesu jahannamavi ṇa kappai vasiuṃ | jati ṭhāti avisesitaṃ savvesu suttābhihitaṃ māsalahuṃ | esa suttattho|
idāṇi ṇijjuttī vitthārei | uvassaya aṃtovagaḍāe tassovassayassa nikkhevo cauvviho
nāma ṭhavaṇā davie, bhāve ya uvassao muṇeyavvo | eesiṃ nāṇattaṃ, vocchāmi ahāṇupuvvīe ||3293|| [ni0]
"nāmaṃ0" gāhā | nāmaṭhavaṇāo gayāo | jāṇagasarīrabhaviyasarīravairitte davvovassae imā gāhā
davvammi ū uvassaauṃ, kīrai kaḍa vutthameva sunnammi |
bhāvammi nisiḍhe saṃjaesu davvammi iyaresu ||3294|| [ni0]
"davvammi ū0" gāhā | jo saṃjayaṭṭhāe uvassao kīrai, kato vā, jo ṇa tāva ṇisirijjai, ahavā jo gihatthehiṃ appaṇo aṭṭhāe kao, tattha saṃjayā māsakappaṃ vā vāsāvāsaṃ vā kāuṃ gatā sunnao acchai | eso davvovassago| bhāvovassago jo saṃjayāṇaṃ dinno aguṇavie nisṛṣṭaḥ datta ityarthaḥ | 'davvammi itare'tti liṃgatthā, tesiṃ jo datto so davvovassago tassegaṭṭhiyāṇi
uvasaga paḍisaga sejjā, ālaya vasadhī ṇisīhiyā ṭhāṇe | egaṭṭha vaṃjaṇāī, uvasaga vagaḍāya nikkhevo ||3295|| "uvasaya0" gāhā | kaṇṭhyā | 'uvassaya vagaḍāya ṇikkhevo'tti asya vyākhyāemeva hoti vagaḍā, cauvvihā sā u vatiparikkhevo | davvammi tippagārā, bhāve samaṇehi bhujjaṃtī ||3296||