Biha Kappa v2.p140

v2.p140

549 maleṇa ghatthaṃ bahuṇā u vatthaṃ, ujjhāigo haṃ cimiṇā bhavāmi | haṃ tassa dhovvammi karemi tattiṃ, varaṃ na jogo maliṇāṇa jogo ||3994||
"udāhaḍā0" [maleṇa ghatthaṃ0"] vṛttadvayaṃ kaṇṭhyam | 'varaṃ na jogo 'tti varaṃ avatthagassa acchipuṇṇayamaliṇovahivatthehi samaṃ jogo | aha imeṇaṃ kāraṇeṇaṃ to natthi pacchittaṃ | codago bhaṇati – naṇu 'vibhūsā itthisaṃsaggī '[da0 a0 8 gā0 57] silogo| āyario bhaṇati
kāmaṃ vibhūsā khalu lobhadoso, tahā vi taṃ pāuṇao na doso | mā hīlaṇijjo imiṇā bhavissaṃ, puvviḍḍhimāī iya saṃjaī vi ||3995|| na tassa vatthāisu koi saṃgo, rajjaṃ taṇaṃ ceva jaḍhaṃ tu teṇaṃ |
jo so u ujjhāiya vatthajogo, taṃ gāravā so na caeti mottuṃ ||3996||
"kāmaṃ vibhūsā khalu0"["na tassa vatthāīsu0"] vṛttadvayam | 'iya saṃjatī vitti saṃjatī vā ṇiccapaṃḍara pāḍutā|
iyāṇi mucchā - mahaddhaṇe appadhaṇe va vatthe, mucchijjatī jo avivittabhāvo | sataṃ pi no bhuṃjati mā hu jhijjhe, vāreti ca'nnaṃ kasiṇā dugā do ||3997|| desillagaṃ vannajuyaṃ maṇuṇṇaṃ, cirādaṇaṃ dāi siṇehao vā | labbhaṃ ca annaṃ pi imappabhāvā, mujjhijjaī īya bhisaṃ kusatto ||3998|| "mahaddhaṇe0" ["dosillagaṃ0"] gāhādvayaṃ kaṇṭhyam | evaṃ vatthaṃ bhaṇitaṃ | iyāṇi pādaṃ, taṃ imehiṃ dārehiṃ anugaṃtavvaṃ - davvappamāṇa atiregahīṇadosā taheva avavāe | lakkhaṇamalakkhaṇaṃ tiviha uvahi voccattha āṇādī ||3999|| ko porusī ya kālo, āgara cāula jahanna jayaṇāe | codaga asatī asiva, ppamāṇa uvaoga cheyaṇa muhe ya ||4000|| "davvappamāṇa0" ["ko porusī0"] gāhādvayam | davvaṃ pātram | tassa duvihaṃ
1. vibhūsā itthīsaṃsaggo paṇīyarasabhoyaṇaṃ |
narassattagavesīssa visaṃ tālauḍaṃ jahā ||