Biha Kappa v2.p141

v2.p141

[bhiṇṇābhiṇṇavatthapagayaṃ pamāṇaṃ- gaṇaṇappamāṇaṃ pamāṇappamāṇaṃ ca | tattha gaṇaṇappamāṇe
pamāṇātiregadharaṇe, cauro māsā havaṃti ugghāyā |
āṇāiṇo ya dosā, virāhaṇā saṃjamā''yāe ||4001|| "pamāṇātirega0" gāhā | asya vyākhyā - gaṇaṇāem̐ pamāṇeṇa ya, gaṇaṇāem̐ samattao paḍiggahao | palimaṃtha bharuḍaṃḍuga, atippamāṇe ime dosā ||4002||
"gaṇaṇāe0" gāhā | davvapamāṇaṃ duvihaṃ - gaṇaṇappamāṇaṃ pamāṇappamāṇaṃ ca | tattha gaṇaṇappamāṇaṃ ekko paḍiggahago mattago ya ekko dhāreyavvo do tinni vā | paḍiggaha ṇa dhāreti :: (caturlaghu) āṇādī dosā, palimaṃtho suttatthāṇaṃ, paḍilehiṃtassa bhāreṇaṃ dosā bhiṇṇihitiṃ uḍuḍugo dīsati aho ! bhāravāho |
bhāreṇa veyaṇā vā, abhihaṇamāī ṇa pehae dosā | rīyāi saṃjamammi ya, chakkāyā bhāṇabheo ya ||4003||
"bhāreṇa0" gāhā | bhāreṇakaṃtassa veyaṇā bhavati | tāe veyaṇāe addito goṇahatthimādī iṃte ṇa pāsai, tehiṃ abhihaṇejja | ādiggahaṇeṇaṃ kaṃṭae ṇa pāsati | ete āyāe dosā| iriyaṃ ṇa sodheti, tattha chakkāyā pakkhulito vā bhāṇaṃ bhiṃdejja | ee gaṇaṇātirege dosā| ime pramāṇapramāṇātirege dosā
bhāṇa'ppamāṇagahaṇe, bhuṃjaṇe gelanna'bhuṃja ujjhimigā | esaṇapellaṇa bheo, hāṇi aḍaṃte duviha dosā ||4004||
"bhāṇa'ppamāṇa0" gāhā | bhājanapramāṇaṃ bhāṇappamāṇaṃ taṃ ativaṭuṃ taṃ bhareti, kayāti ṇa labbhati bharaṇaṃ tāhe esaṇaṃ pallettā bhareti | bharitaṃ ati guruyaṃ pakkhulittā bhajjejja | hāṇī jā viṇā patteṇa aḍaṃte hiṃḍaṃte | guruyattaṇeṇa āyāe saṃjame ya bhedo, āyā{rie atibhāreṇa kaḍī dukkhejjā, khāṇu kaṃṭae ṇa pekkhati | ete āyāe dosā | saṃjame iriyaṃ ṇa sohei tattha chakkāyā| adha hīṇappamāṇaṃ gehati pattaṃ ime dosā|
hīṇappamāṇadharaṇe, cauro māsā havaṃti ugghāyā | āṇādiṇo ya dosā, virāhaṇā saṃjamā''yāe ||4005|| ūṇeṇa na pūrissaṃ, ākaṃṭhā teṇa giṇhatī ubhayaṃ | mā levakaḍaṃ ti puṇo, tatthuvaogo na bhūmīe ||4006||