Biha Kappa v2.p143

v2.p143

[bhiṇṇābhiṇṇavatthapagayaṃ aṇukaṃpāe pajjattaṃ dejja, kattha geṇhatu ? tassa lābhassa vocchedo jāto jamhā ete dosā juttappamāṇaṃ ghettavvaṃ | etadevārtham -
dhuvaṇādhuvaṇe dosā, vosaṭuṃte ya kāya āusiṇe | sukkhe laggājīraga, koḍiya sihare ya uḍḍāho ||4012|| "dhuvaṇādhuvaṇe0" gāhā | kaṇṭhyā | kiṃ puṇa taṃ juttappamāṇaṃ ? ata ucyatetinni vihatthī cauraṃgulaṃ ca bhāṇassa majjhimapamāṇaṃ | etto hīṇa jahaṇṇaṃ, atiregayaraṃ tu ukkosaṃ ||4013|| "tinni vihatthī0" gāhā | ahavā imaṃukkosatisāmāse, dugāuaddhāṇamāgao sāhū | cauraṃgulavajjaṃ bhatta pāṇa pajjattiyaṃ heṭṭhā ||4014|| eyaṃ ceva pamāṇaṃ, savisesataraṃ aṇuggahapavattaṃ | kaṃtāre dubbhikkhe, rohagamāīsu bhatitavvaṃ ||4015|| "ukkosa." [“eyaṃ ceva0"] gāhādvayaṃ kaṇṭhyam | avavāde tti dāraṃ | aṇṇāṇe gārave luddhe, asaṃpattī ya jāṇāe |
lahuo lahuyā gurugā, cautthe suddho u jāṇao ||4016||
"aṇṇāṇe0" dāragāhā | pacchā avavādaṃ bhaṇṇīhiti-jai imehi kāraṇehi dhareti tatto imaṃ pacchittaṃ | aṇṇāṇṇeṇa gāraveṇa luddhattaṇeṇa ya yathāsaṃkhyaṃ pāyacchittaṃ gāhāpacchaddhagahitaṃ | tattha aṇṇāṇassa vakkhāṇaṃ -
hīṇātiregadose, ajāṇao so dharijja hīṇa'hiyaṃ | pagaīya thovabhogī, sati lābhe vā karetomaṃ ||4017|| "hīṇātiregadose0" gāhā | imā gāravassa vakkhāṇagāhāoīsaranikkhaṃto vā, āyariyo vā vi esa ḍahareṇaṃ | iti gāraveṇa omaṃ, aippamāṇaṃ cimehiṃ tu ||4018||
aṇigṛhiyabalavirio, veyāvaccaṃ kareti aho ! samaṇo | mama tullo na ya koyī, pasaṃsakāmī mahalleṇaṃ ||4019||