Biha Kappa v2.p144

v2.p144

"īsara0" ["aṇigūhiya0"] gāhādvayaṃ | gāraveṇa dharati ḍaharaṃ varaṃ bhaṇato mi āyario | luddhassa vakkhāṇaṃ -
aṃtaṃ na hoi deyaṃ, thovāsī esa deha se suddhaṃ | ukkosassa va laṃbhe, kahi gheccha mahalla lobheṇaṃ ||4020||
"aṃtaṃ0" gāhā | 'aṃtaṃ ṇa hoti deyaṃ' ti khuḍalayaṃ dadvaṃ ciṃteti dāyā–ṇa vahai eyassa aṃtaṃ paṃtaṃ dātuṃ | thovaṃ asati esa jeṇa khuḍḍalaeṇaṃ hiṃḍati | 'suddhaṃ 'ti suṃdaraṃ ekaṃ dāyavvaṃ | mahallaṃ lobheṇa dharati ukkosayaṃ labhissāmi kattha giṇhissāmi ? evaṃ dhareti ::| (caturguru) asaṃpattīya tti |
juttapamāṇassa'satī, hīṇa'tirittaṃ cautthoṃ dhāreti | lakkhaṇajuya hīṇa'hiyaṃ, naṃdī gaccha? vā carimo ||4021||
"juttappamāṇassa asatī0" puvvaddhaṃ | juttappamāṇaṃ ṇa labbhati tāhe atikhuḍḍalayaṃ varlḍa vā dharato suddho |
jāṇae tti | "lakkhaṇa" pacchaddhaṃ | so pāyalakkhaṇaṃ jāṇati lakkhaṇajuttaṃ hīṇappamāṇaṃ ahiyappamāṇaṃ vā gacchassa uvaggaho eeṇa bhavissati tti kāuṃ eeṇa ālaṃbaṇeṇa dhato suddho | ṇaṃdipaḍiggaho vā | avavāde tti gayaṃ |
idāṇi lakkhaṇamalakkhaṇe tti dāraṃ -
vaṭṭaṃ sama cauraṃsaṃ, hoi thiraṃ thāvaraṃ ca vannaḍūṃ | huṃḍaṃ vāyāiddhaṃ, bhinnaṃ ca adhāraṇijjāiṃ ||4022|| saṃṭhiyammi bhave lābho, patiḍhā supatiṭṭhie | nivvaṇe kittimāroggaṃ, vannaḍḍhe nāṇasaṃpayā ||4023|| haṇḍe carittabheo, sabalammi ya cittavibbhamaṃ jāṇe | duppute khīlasaṃṭhāṇe, natthi ṭāṇaṃ ti niddise ||4024|| paumuppale akusalaṃ, savvaṇe vaṇamāise | aṃto bahiṃ va daḍḍe, maraṇaṃ tattha niddise ||4025|| daḍḍe puṇphagabhinne, paumuppala savvaṇe ya caugurugā | sesagabhinne lahugā, huṃḍādīesu māsalahū ||4026||