Biha Kappa v2.p145

v2.p145

visa
[ bhiṇṇābhiṇṇavatthapagayaṃ “vaṭṭaṃ0” [“saṃṭhiyammi0" "huṇḍe0 " " paumuppale0" "daḍḍe0"] gāhā | vaṭṭaṃ duvihaṃ - samacauraṃsaṃ vaṭṭaṃ uddhavaṭṭaṃ vā | thiraṃ daḍhaṃ, thāvaraṃ jaṃ apāḍihāriyaṃ, vaṇṇaṃ lakkhaṇajuttaṃ ṇāṇadaṃsaṇacarittāvahaṃ, huṇḍaṃ aṃto vā atiyaṃtaṃ bāhiṃ vā ṇiggayaṃ, vāyāiddhaṃ valitaṃ |
sesāo gāhāo kaṃṭhāo |
idāṇiṃ tiviha uvahi voccatthe ( gā0 3999) tti dāraṃ |
pāta eva uvadhī taṃ tividhaṃ - lāugaupātaṃ, dāruyapātaṃ, maṭṭiyāpāyaṃ | ekkekkaṃ tivihaṃ ahākaḍaṃ, appaparikammaṃ [saparikammaṃ ] |
554
tivihaṃ ca hoi pāyaṃ, ahākaḍaṃ appa saparikammaṃ ca | puvvamahākaḍagahaṇaṃ, tassa'sati kameṇa doṇṇiyare || 4027|| tividhe parūvitammi, voccatthe gaharṇe lahuga āṇādī | chedaṇabhedaṇakaraṇe, jā jahiṃ ārovaṇā bhaṇitā || 4028 || “tivihaṃ ca0” [ “tivihe parūvitammi0 " ] gāhā | eyaṃ parūvitaṃ jā jahiṃ ārovaṇā bhaṇiti tti peḍhiyāe (gā0 668) pūrvoktā |
bitiyagāhāe ādidāraṃ koti | asya vyākhyā ata ucyate—
-
ko etassa pātassa gehettago ?
ko geṇhai gīyattho ?, asatīe pāyakappio jo u | ussagga'vavāehiṃ, kahijjatī pāyagahaṇaṃ se ||4029||
“ko geṇhai" gāhā | 'pātaggahaṇassa' tti pātagāhao | (ṇaṃ se) ko tti gataṃ | idāṇiṃ porisī ya tti dāraṃ | kati porisīe kareṃteṇa evaṃvihaṃ maggitavvaṃ ?
huṇḍādi ekabaṃdhe, suttattheṃ kareṃteṃ maggaṇaṃ kujjā | dugatibaṃdhe suttaṃ, tiṇhuvariṃ do vi vajjejjā ||4030||
“huṇḍādi0” gāhā | huṇḍe ādiggahaṇeṇaṃ duppataṃ, khīlasaṃṭhāṇaṃ, sabalaṃ egabaṃdhaṃ | etesu suttatthaṃ kareṃto maggejja dubaṃdhaṇaṃ ca tibaṃdhaṇaṃ ca suttaporisīṃ kareṃto atthaporisīṃ akareṃto vi maggejja | tiṇhaṃ baṃdhāṇaṃ uvariṃ je baṃdhā suttaporusīṃ attha porisīṃ vajjeṃto maggejja | porisī tti gayaṃ |
idāṇiṃ kāle tti dāraṃ | kevaiyaṃ puṇa kālaṃ maggiyavvaṃ ?