Biha Kappa v2.p167

v2.p167

[nissāpagayaṃ jamhā ya evamādī, dosā tāsiṃ tu giṇhamāṇīṇaṃ | tamhā tāsi ṇisiddhaṃ, vatthaggahaṇaṃ aṇīsāe ||4158|| "hiṃḍāmu0" ["jamhā ya0"] gāhā | kaṇṭhyā | codao bhaṇati - sattaṃ ṇiratthagaṃ khalu, kāraṇiyaṃ taṃ ca kāraṇamiṇaṃ tu | asatī pāugge vā, mannakkho vā imā jataṇā ||4159||
"suttaṃ ṇiratthagaṃ0" gāhā | "asatī0" gāhāpacchaddhaṃ | 'asati' tti ṇatthi tāsiṃ vatthāṇi | ahavā atthi tāsiṃ vatthāṇi ṇa puṇa pāuggāṇi |
taruṇīṇa ya pavvajjā, ṇiyaehiṃ nimaṃtaṇā ya vatthehiṃ | paḍisehaṇa nibbaṃdhe, lakkhaṇa guruṇo ṇivedejjā ||4160||
"taruṇīṇa" gāhā | kāuyi taruṇīo bahu saṇṇāiyāo ṇikkhaṃtāo aṇṇaṃ dese viharettā tattha āgayāo tāhe saṇṇātagā vatthehiṃ nimaṃteṃti tattha paḍiseheyavvaṃ - ṇa geṇhāmo tti | jati gāḍhaṃ nibaṃdhaṃ kareṃti tāhe imaṃ vattavvaṃ - amhaṃ guru lakkhaṇaṃ jāṇaṃti jārisaṃ ghettavvaṃ tesiṃ nivedemo| asya vyākhyā -
therā paricchaṃti kadhemu tesiṃ, ṇāti te dissa ajogga joggaṃ | picchāmu tā tassa pamāṇavaṇṇe, to ṇaṃ kadhessāmoṃ tahā gurūṇaṃ ||4161||
"therā paricchaṃti0" vṛttam | evaṃ vattavvaṃ | jai evaṃ bhaṇati evaṃ sāgāraṃ, eyammi akae lahugo | jati tassa pamāṇavannehiṃ ciṃdhaṃ ṇa lakkheti to māsaguruṃ | jati pavattiṇīe ṇa sāhaṃti catulahugā | appaṇā ceva geṇhaṃti caugurugā |
sāgārakaḍe lahugo, gurugo puṇa hoti ciṃdhakaraṇammi | gaṇiṇīasiḍhe lahugā, gurugā puṇa āyanīsāe ||4162|| "sāgārakaḍe0" gāhā | kaṇṭhyā | aha gihatthā evaṃ bhaṇejjā -
jati bhe royati giṇhadha, na vayaṃ gaṇiṇiṃ guruṃ va jāṇāmo | iya vi bhaṇiyā vi gaṇiṇo, kadheti ṇa ya taṃ paḍicchaṃti ||4163|| "jati bhe royati0" gāhā | taṃ vatthaṃ ṇa paḍicchaṃti saṃjatīo tāhe āyariehiṃ vattavvaṃkataro bhe ṇatthuvadhī, jo dijjau bhaṇaha mā visūritthā | puvvuppaṇṇo dijjati, tassa'satīe imā jayaṇā ||4164||