Biha Kappa v2.p168

v2.p168

"kataro bhe ṇatthi01" gāhā ||
ṇāūṇa yā parīttaṃ, vāvāre tattha laddhisaṃpaṇṇe | gaṃdhaḍḍhe paribhutte, kappakate dāṇa gahaṇaṃ vā ||4165||
"nāūṇa0" gāhā | 'parīttaṃ 'ti jahā ṇatthi eyāsiṃ saṃjatīṇaṃ vatthāī tāhe je laddhisaṃpaṇṇā sādhū te bhaṇaṃti - maggaha vatthāī saṃjatīṇaṃ dāyavvāiṃ | tāhe taṃ saṃjatā je tesiṃ diṭṭhāre te -
gurussa āṇāem̐ gavesiūṇaṃ, vāvāritā te ahachaṃdiyā vā | dudhāpamāṇeṇa jahodiyāī, gurūṇa pāesu ṇivedayaṃti ||4166|| gaṃdhaḍḍa aparibhutte, vi dhoviuṃ deti kimua paḍipakkhe |
gaṇiṇīऍ ṇivedejjā, catuguru saya dāṇa aṭṭhāṇe ||4167||
"gurussa āṇāe0" ["gaṃdhaḍḍā aparibhutte0"] vṛttam | 'adha chaṃdiyā vatti asaṃdiṭṭhā ceva kei bhaṇaṃti - amhe gavisāmo | 'duhapamāṇaṃ'3ti gaṇaṇapamāṇeṇaṃ pamāṇapamāṇeṇa ya | 'jahodiyāṇi' tti jaha titthagarehi bhaṇitā maggittā āyariyāṇaṃ pāyamūle ṭhaveṃti deṃtītyarthaḥ | tāṇi puṇa vatthāṇi kayāyi gaṃdhaḍḍhāṇi hojja paribhuttāṇi vā aparibhuttāṇi vā | jati vi ṇa gaṃdhaḍḍhāṇi aparibhuttāṇi ya tahā vi dhovittā satta divase ṭhavettā thero pāuṇāvijjati | jati ṇatthi abhioga vikāro tāhe gaṇaharo pavittiṇīe alliveti, sā saṃjatīṇaṃ deti | jai appaṇā saṃjatīṇaṃ deti :: | (caturguru) aṭṭhāṇe ṭhavejja sesāu | suddhabhāveṇa vi jati kāti saṃjatī ālappati taṃ pi kāyi saṃkaṃti, kimaṃga puṇa sayaṃ dāṇe ? jahā imo diṭuṃto -
iharaha vi tāva mehā, māṇaṃ bhaṃjaṃti paṇaiṇijaṇassa | kiṃ puṇa balāgasuracāvavijjupajjoviyā saṃtā ? ||4168|| "iharaha vi tāva0" gāhā | paṇaiṇijaṇo strījana ityarthaḥ | dullabhavatthe va siyā, āsaṇṇaṇiyāṇa vā vi ṇibbaṃdhe |
pucchaṃta'jjaṃ therā, vatthapamāṇaṃ ca vaṇṇaṃ ca ||4169||
"dullabhavatthe0" gāhā | jati jevāvāritā tehi ṇa laddhāṇi | evaṃ dullabhavatthe dese jehiṃ ṇimaṃtiyāo tāhe tāṇi ghettavvāṇi | tattha puṇa imo vihī- “pucchaṃta'jjaṃ0" pacchaddhaṃ | āyario pavattiṇi pucchati - kerisehiṃ vatthehiṃ tubbhe ṇimaṃtitāo ? kiṃ vā tesiṃ pamāṇaṃ
1. ṇatthu - muca | 2. te saṃdiṭṭhā iti bhāvyam ? | 3. dudhāpamāṇeṇa - muca |